No día de hoxe a Biblioteca Pública Municipal de Guitiriz acoulle o obradoiro musical de sensibilización en igualdade e erradicación de violencia contra a infancia e as mulleres impartido por Blanca Villares.

Neste obradoiro trataronse as violencias sexuais a través das músicas nos tempos de antes e de agora, e o seu papel nas colectividades que as compoñen…e escoitan; e través delas e da publicidade ou redes socais abordouse o consentimento, o acoso e o abuso sexual.

Participaron na actividade o grupo de estimulación cognitiva do Concello de Guitiriz, capitaneados por Rocío Fanego e o grupo de adolescentes do Proxecto Kpaces do Ies Poeta Díaz Castro coa súa responsable Sandra Tenreiro.

foto

O pasado venres desfrutamos dun bonito espectáculo da man de Manuel, contos maxia, sorrisos e moitas sorpresas .

Ao remate, cociñamos entre todos e todas un pastel de forma máxica que podeimos saborear.

A través dos contos, da maxia e dos xogos poñemos énfase na toma de conciencia de que todxs somos iguais, temos os mesmos dereitos e deberes.

Unha pequena representación dos usuarios e usuarias do Centro de Día achegáronse ata a biblioteca compartindo un bonito momento coa rapazada.

Que ben o pasamos!!!

Nesta ocasión, tivemos na biblioteca municipal un espectáculo infantil único e diferenciador, xa que se trataba dunha posta en escea innovadora mediante a utilización de elementos representativos da cultura xaponesa, como son o uso dos tradicionais teatros kamishibai e o emakimono xaponeses e incluso bervas tradicionais da cultura como o mukashi-mukashi (Era unha vez…). Para a utilización destes elementos, o ilustrador e actor que nos veu visitar adaptou obras de autores de Cataluña e Estados Unidos, como a Hada Menta ( adaptada a fadamenta) para poder exemplificar mediante debuxos e ilustracións contos sobre a igualdade, a importancia do pensamento crítico, de non ser influenciado pola presión grupal nas escolas así como da importancia do respeito, o control emocional e o traballo en equipa. Os nenos aprenderon a identificar os comportamentos con sesgo de xénero, comportamentos abusivos, e a ter ferramentas para enfrontalos no día a día. Nesta actividade participaron un total de 20 nenos de entre 3 e 11 anos de idade e tres adultos. 

Elisabet Hillerud achegou ao  alumnado do Ies Poeta Díaz Castro o  obradoiro “Poema zen para a igualdade” no que se utilizou  o método Zentangle, decorando un poema sobre a igualdade entre homes e mulleres e creando unhaa concienciación  de non violencia. Zentangle crea belas imaxes e fomenta a paz interior e a concentración, desenvolvendo a creatividade e a sensibilidade artística.Sen ter coñecementos previos de debuxo.

OBRADOIRO DE CHAPAS DA IGUALDADE EN PARADA DE SIL

O día 24.08.2023 no Salón de Plenos adxunto á Axencia de lectura congregaronse nen@s, mozos e adultos para crear chapas pola igualdade.

En continua colaboración e con moita ilusión todos acabaron lucindo as súas creacións e presumindo da súa obra.-

MURALISMO E PINTURAS NATURAIS PARA A IGUALDADE

O dia 19.08.2023, a pesares das condicións climáticas desfavorables que impediron a realización da actividade ao aire libre; xuntáronse na Nave do Concello, un grupo de nenos/as xunto cos adultos, dispostos a aprender as técnicas de creación de pinturas naturais; e o máis interesante, a poñelo en práctica coa realización dun Mural onde quedaron reflexados os coñecementos dese día e a aposta pola igualdade que se fai dende este Concello e esta Axencia de lectura de Parada de Sil

Este xoves nas Pontes tivemos a ocasión de escoitar os marabillosos contos de Adela Turín da man de Talía teatro. As nenas e nenos puideron desfrutar de Rosa Caramelo, Unha infeliz catástrofe, A historia dos bonomos con lentes e Artur e Clementina. Contos que nos falan da igualdade entre homes e mulleres. Moitas grazas a Artur que nos fixo pasar unha tarde tan agradable

Sabela Gago, de Sarabela Teatro, contounos a historia de Noa, unha divertida historia que contou coa participación dos asistentes e coa que se fomenta a igualdade entre nenos e nenas e a importancia da imaxinación.

Na Biblioteca Enrique Rivera Rouco das Pontes de García Rodríguez nesta xornada de xoves tivemos a visita do Faiado de Nin. As nenas e nenos fixeron unhas fermosas bolsas de tea que estiveron cheas de creatividade e de mensaxes de loita pola igualdade de homes e mulleres. Foi unha sesión moi divertida e inspiradora.

Este obradoiro de escrita impartido por Andrea Barreira, Eli Ríos e Jara Ortiz convida aos participantes a reflexionar sobre diversos aspectos da literatura que, en principio, poden quedar, e de forma involuntaria, relegados á hora de comprender na súa totalidade un texto.

A sesión comezou realizando unha pequena introdución sobre algunhas escritoras ( Marilar Aleixandre, Ledicia Costas, María Reimóndez, Jane Austen…) destacando certos aspectos da súa produción literaria. A continuación desenvolvéronse unha serie de dinámicas, como foi a lectura e o análise de certos fragmentos, coas que debíamos cavilar sobre se se trataba de personaxes femininas ou masculinas. Tamén se redactaron pequenos textos que foron analizados e comentados posteriormente. Estas actividades sinxelas aportaron un gran dinamismo e unha maior distensión na sala ao permitir a participación das persoas asistentes.