O pasado venres e para pechar as actividades do Programa de Voluntariado na Biblioteca Ágora de A Coruña recibimos a Silvia Penide -voz e presentacións- e Carla López -piano e voz- co seu espectáculo FemininoPlural. Asistiron 54 persoas entre voluntari@s e usuari@s dos nosos programas de formación permanente de persoas adultas: Alfabetización, Hora de Lectura e Lectura fácil. Un percorrido  polas cancións escritas por mulleres que puidemos seguir e cantar coas artistas nun encontro emocionante e totalmente adaptado aos asistentes que gozaron das letras e a música de Mari Trini, Amaral, Violeta Parra…

FemininoPlural

O día 17 de xuño ás 18 h. na BPM de Vila de Cruces e dentro do programa de animación á lectura”Ler conta moito” tivemos a Micromina Teatro de Títeres ca obra “Vacacións no mar”. Conseguiu captar a atención dos cativos dende o primeiro momento.

Foi por tanto unha actividade dinámica e participativa, tarde divertida na que os cativos desfrutaron moito.

Éste luns pola tarde na nosa Biblioteca, e  encadrado dentro da semana do medioambiente, tocou sesión de experimentos coa actividade “A Ciencia de Harry Potter” con Ceo Aberto.

Un espectáculo científico do que todos e todas quedamos pasmados, maravillados e encantados de ir percorrendo o mundo creado por J. L. Rowling e analizando desde a óptica da Ciencia a viabilidade no mundo real, mesmo no universo literario de Harry Potter.
A nosa petición, rematada a sesión foi poder continuala en mais ocasións. Mesmo o alumnado aclamaba a mesma sensación.

O pasado xoves visitounos o gran Pablísimo. Chegou coa súa maleta chea de contos e fixo que todos os asistentes quedáramos entusiasmados coas historias que nos foi contando…dende a casa máis pequena do mundo ata os tres porquiños!
Coma sempre Pablísimo un 10. Moi recomendable!!!!

O pasado xoves, 14 de xuño, os usuarios máis pequenos da biblioteca foron os destinatarios do espectáculo Paxariños de TrinkeTrinke Teatro. Para moitos deles era o seu primeiro contacontos e tendo en conta o ben que o pasaron, seguro que non será o último.

Hoxe coñecemos na biblioteca de Esgos os descubrimentos de Isaac Newton e as obras de Jules Verne e aprendemos sobre as naves espaciais, a gravitación, a inercia… da man de Ciencia en Ruta no seu “obradoiro de foguetes”

Tamén construimos foguetes para lanzalos ao rematar.

Sarabela Teatro estivo na Biblioteca de Cabana de Bergantiños coa actividade Isto non é unha caixa , actividade na que os nenos participaron cantando , con mímica e poñendo a funcionar a súa  imaxinación

Para pechar o Programa “En xuño…Ler tamén Conta Moito,” tivemos o pracer, este luns 18 de xuño, de contar coa actividade “Camiños” de Magín Blanco. A Biblioteca Pública Municipal “Francisco Mayán”, ateigouse de nenas e nenos da Escoliña de Cee, e de infantil das unitarias de Brens e Pereiriña. Arredor de 70 rapaces disfrutaron e foron partícipes dun espectáculo, donde conflúen a música, o teatro, a poesía e os contos, para estimularen e enriqueceren a imaxinación e a creatividade da xente miúda.

Aproveitamos a visita de Magín Blanco, para que nos dedicara as obras da súa autoría, que temos no noso fondo bibliográfico.

A actividade “Eu conto, ti contas… elas contan! realizada por Cris de Caldas, foi o broche final do Club de Lectura Fáci, organizado pola Asociación de Disminuídos Psíquicos “Con eles” coa colaboración da Biblioteca Municipal.

Cris acercou aos asistentes os contos de mulleres e sobre mulleres: princesas valentes, mulleres artistas e mulleres de conto tan especiais coma María Victoria Moreno.

O público asistente interactuou en todo momento coas historias que Cris narrou e disfrutou moitísimo coa actividade.

A tarde do venres 15 de xuño foi especial. A biblioteca encheuse de nenos e nenas entre os seis meses e os tres anos para gozar coa sesión de contos teatralizada de Trinketrinke Teatro. Vanessa trouxo un feixe de contos e unha sorpresa, un enorme ovo do que naceu un pito moi especial.