O Obradoiro é un magnífico xogo zoolóxico baseado no Animalario universal del profesor Revillod. Os participantes enredan co contraste e a imaxinación. Combinan diferentes partes de animais contruindo inauditas e orixinais imaxes. Inventan nomes descoñecidos para a nova fauna e alimentan as recentes criaturas con comida nunca antes cociñada.
Moi recomendable. Adáptase a grupos con idades diferentes. Unha experiencia moi positiva.
Cando hai agarimo nótase en todo o que se fai… Xa sexa escribires un libro coma facernos viaxar con el!!
Moitas grazas Celtia e A Xanela do Maxín!
O venres 12 de maio tivemos un contacontos ilustrado e musicado que nos permitiu coñecer a figura de Francisco Fernández del Riego. Unha tarde onde pequenos e non tan pequenos disfrutamos e coñecemos mais da vida do escritor homenaxeado este ano no Día das Letras Galegas.
Ao final realizouse un obradoiro de debuxo, onde todos seguindo as indicacións do ilustrador Carlos Taboada realizamos a caricatura do protagonista da nosa historia.
Unha forma moi divertida de coñecer a vida deste personaxe ilustre das nosas letras.
Sabela Gago compartiu cos nenos e nenas das Pontes os contos das súas Maletas Viaxeiras. Tivemos a sorte de escoitala e rir con ela dentro do noso programa Xoves na biblio. Encantounos viaxar polo mundo da súa man nunha viaxe chea de fantasía e humor.
Esta tarde recibimos a visita de Trémola Teatro que nos trouxeron o espectáculo “Unha nova galaxia”, que consistiu nunha aproximación á vida de Francisco Fernández del Riego, autor homenaxeado este ano nas Letras Galegas.
Atenea García contou e teatralizou un puñado de contos ben coñecidos e fixo pasar a cativos e maiores unha tarde do máis divertida.
Estas dúas divertidas guías literarias fixéronnos, na axencia de lectura de Tirán, un percorrido pola vida e obra de Francisco Fernández del Riego. Tamén practicamos a lingua de signos grazas á colaboración da Organización de Diversidade Sensorial de Galicia XOGA.
Os nenos participaron na búsqueda de pistas despois de que animadora lle contase unha conto, aprenderon que é unha sinatura, fixeron búsquedas por xénero , dunha maneira lúdica aprenderon o uso dunha biblioteca.
Os cativos de Culleredo conmemoraron o Ano Picasso cunha divertida e maravillosa actividade. Foi na Biblioteca Municipal, sita no lugar de O Burgo, o día 11 de maio. Despois de percorrer a infancia na Coruña do artista, e tamén coñecer as diferentes etapas da súa pintura, fixeron figuras de cartolina de estilo cubista, e foi xenial! 
Onte os nenos e nenas do CEIP Rosalia de Castro do Grove gozaron do espectáculo Conta Canta con Blanca Millan e R.J. Peralta
O escritor, R.J. Peralta e a ilustradora, Blanca Millán fixeron un repaso de todos os seus contos editados. Mesturaron música e narración nunha mañá moi divertida e amena na que os mais cativos participaron en todo momento das cancións e dos contos.
Séguenos