Anxo Avelino Moure Mosquera en na Axencia de Lectura do Concello da Mezquita.                               Sabes coser? imos tecer unha árbore para atrapar contos solidarios. Aprendemos a coser tenrura, esperanza, igualdade e futuro. Para rematar plantamos unha árbore en contra da violencia de xénero “A sobreira tecedeira”

O pasado venres tivemos un contacontos sensorial a cargo de Eduvia Xestión, Cultura e Lecer. Un grupo de nenos entre 1 e 2 anos acompañados dun adulto cantaron, tocaron e manipularon todo tipo de obxectos facendo da súa primeira visita á biblioteca toda unha festa.

Na mañá do 13 de xuño celebramos na Biblioteca Municipal de Coristanco un inspirador obradoiro de contacontos para adultos, guiado pola actriz e narradora Paula Regueiro García, da compañía Tremola Teatro.

A actividade estivo dirixida a pais, nais, avós, avoas e persoas interesadas en aprender a contar contos a nenos e nenas de entre 0 e 6 anos. Durante o obradoiro, as persoas participantes mergulláronse no mundo da narración oral a través dun enfoque lúdico e vivencial. Traballouse con diferentes técnicas de expresión oral, como a voz, o ritmo, a mirada, os silencios e o corpo, achegando recursos sinxelos pero eficaces para facer dos contos momentos cheos de maxia e conexión emocional.

A actividade tivo unha gran acollida, cun grupo moi participativo que desfrutou tanto das dinámicas como das reflexións sobre a importancia de contar historias como ferramenta educativa e afectiva.

Desde a biblioteca agradecemos a Paula Regueiro a súa entrega e profesionalidade, así como ao programa Ler Conta Moito por facer posible esta enriquecedora experiencia.

Este xoves, 12 de xuño, tivemos o pracer de recibir na Biblioteca Municipal Isidro Novo a Atenea García, de Xarope Tulú, co seu espectáculo “Bichocas”, unha selección de contos destinada aos nenos e nenas máis pequenos no que a narración se acompaña de monicreques, cancións e moitas risas!

Nuno e Nona, dúas ras que acompañan a Raquel Queizás nas súas actuacións, estiveron en Carral estimulando aos bebés que se achegaron á Biblioteca.

Foi unha sesión con algún conto clásico, con música, con movemento e tamén con diversión.

Onte puidemos desfrutar da man de Títeres Babaluva dun espectáculo de monicreques. Con eles navegamos a través de dúas historias vinculadas ao mar, tratando a importancia do seu coidado á vez que se promovían valores como a amizade ou o respecto. Puidemos, así, achegarnos dunha forma lúdica ao coñecemento de diferentes especies do noso mar á vez que descubrimos cancións do cancioneiro galego tan ligado ao mesmo. Unha tarde moi divertida que nos permitiu incluso probar como manipular os diferentes protagonistas e aproximarnos o seu proceso de creación!

A biblioteca pública municipal de Rois contou cun fermoso taller familiar para a creación libre de bonecas de trapo.

Pais, nais, nenos e nenas gozaron conxuntamente dunha tarde inesquecible e levaron os seus traballos para casa con moitísima ilusión!

Onte Avelino González achegou o mundo dos paxaros aos residentes do Centro de Atención a Persoas Maiores de Ortigueira.

Cando xuntamos a maxia dos contos coa maxia do Mago Paco surxe a palabra IMAXINACIÓN.

Unha marabillosa maña do mes de xuño que os 31 nenos e nenas do CEIP de Bemantes (Miño) e do CEIP de Torres (Vilarmaior) e as súas         maestras compartiron co Mago Paco que fixo as delizas de grandes e pequenos, con moito conto e moita maxia.