Para pechar a semana das “Letras Galegas” contamos na biblioteca coa actividade “LETRAS E NOTAS” con MAGÍN BLANCO. A biblioteca de A Rúa ateigouse de nenos de infantil e primeiros cursos de primaria dos colexios do Concello: Pablo VI-Fátima e Manuel Respino. Arredor dun cento de nenos e 10 profesores participaron no espectáculo musical no que Magín Blanco ía creando un universo con abecedarios, números, adeviñas e contos. Os nenos cantaron e bailaron.  ¡Pasaron un rato moi divertido!.

Unha contada marabillosa!!! cos contos infantís de Carlos Casares como “A galiña azul”, “Lolo anda en bicicleta”, as historias de “Toribio”, o neno inventor; e algúns outros contos populares de hipopótamos, moscas, xigantes..

Na festa final de CantoConto!, na Biblioteca Fórum Metropolitano da Coruña, tivemos a Migallas Teatro con “Os contos do chupete”.

Grandes e pequenos desfrutaron da música en directo, as narracións e a dramatización levada a cabo por Bea e Paolo.

O sábado 13 de maio Expresión Produccións achegou ata a Axencia de Lectura de San Vicente o espectáculo “Contos máxicos”

Ademais de contos, tivemos maxia, trabalinguas, cancións, concursos, monicreques…  un espectáculo interactivo, dinámico e moi divertido co que grandes e pequenos pasaron unha fantástica mañá de sábado.

O día das Letras Galegas en Camariñas presenciamos unha excelente combinación de música, teatro e humor. Actuación recomendable para público familiar. Os asistentes divertíronse e mostraron moito interese polos temas tratados nas cancións. A conexión co público foi palpable de principio a fin do espectáculo.

Este luns 15 de maio celebramos, con antelación, na BPM de Poio o Día das Letras Galegas cunha sesión de contacontos teatralizada e acompañada con música en directo.

Para rematar o programa Ler Conta Moito 2017  visitounos Bandullo Azul co seu espéctaculo ” Filipa” cos contos.

Deste xeito celebramos  o día das Letras Galegas  cunha viaxe polos contos e o repertorio infantil de Carlos Casares amenizados con música e cancións en directo.

Os nen@s disfrutaron dun espéctaculo dinámico e divertido con Fran Campos

Pasámolo moi ben!!

.

O pasado luns 15 de maio, adiantamos a homenaxe a Carlos Casares para celebrar cos centros de ensino do concello unha fermosa xornada na que houbo recitados, teatro e sobre todo música para honrar ás nosas letras da man de Migallas.

A compañía veu co seu espectáculo Canta connosco! que fixo as delicias de pequenos… e non tan pequenos… A biblioteca municipal Luís Rei, grazas  ao programa Ler conta moito, puido contar con esta actividade que serviu para unir a todos os colexios da vila no Paseo da Calzada de cara a festexar o día das Letras Galegas dun xeito especial… velaí van algunhas imaxes…

Co gallo da celebración do día das Letras Galegas 2.017, a Biblioteca Municipal do Concello de Lourenzá , Juana Ibarbourou , rendiu unha homenaxe a Carlos Casares, cun espectáculo dirixido ao público infantil titulado ” Carlos Casares, con maxia e música ” que fixo as delicias dos asistentes.

O lúns, 15 de maio, Martín Camiña achegouse a Cee para mostrar o seu espéctaculo “As maxias máis máxicas de tódalas máxias. A maxia de Carlos Casares”, donde fantasía, maxia e o mundo literario da Carlos Casares mestúranse para lograr unha actividade atractiva, divertida e educativa. Nenas e nenas de 2º e 3º curso dos distintos centros educativos do concello foron o público asistente, os cales pasaron 55 minutos cheos de apaixonantes historias e trucos que fixeron as ledicias dos cativos. Un espectáculo que ademais de nos sorprender e moi válido para coñecer un pouco mellor a obra do autor homenaxeado este ano polas Letras Galegas.