O venres 11 de outubro de 2013, ás 18’30 hs, desenvolveuse na Biblioteca de Nós unha das actividades do programa “Ler conta moito”.

Nesta ocasión, consistiu nun obradoiro creativo titulado”Títeres nas mans” destinado a nenas e nenos de máis de 4 anos, xa que cada un dos asistentes tivo que debuxar nas súas propias mans un personaxe inventado por eles.

Participaron un total de 24 rapaces : 10 nenos e 14 nenas.

Para finalizar, a monitora animou a algunha/algún voluntaria/o para sair a contar un conto co seu títere na man.

A sesión estivo moi animada e saíron personaxes moi singulares  das mans das/dos asistentes.

María e o seu compañeiro Antonio fixéronnos pasar unha tarde estupenda cos seus contos, viaxamos ao bosque da man dunha raniña pouco ecolóxica, participamos na investigación dunha toupiña para descubrir quen lle fixera “aquilo” na cabeza, cantamos…bailamos, en fin, fixéronos disfrutar.

Un moucho que busca solucións, un aviador e moitos nenos para axudarlle a dar coa proposta correcta. Contacontos de “Elefante Elegante” na Biblioteca de Valdoviño

Este pasado xoves 10 de outubro , a rapazada de Arteixo volveu a desfrutar dunha sesión de contacontos na Biblioteca Central “Henrique Rabuñal” da man de Larraitz que cas súas historias de legumes, froitas e vexetais ofreceunos unha tarde moi apetecible. Asistiron 29 nenos e nenas, e con eles tamén quedaron 7 adultos que aproveitaron  a tarde para escoitar contos.

O xoves, 10 de outubro, os alumnos de 5º de Primaria do CEIP Parga Pondal de Santa Cruz (Oleiros) asistiron no Teatro das Torres, anexo á Biblioteca a un encontro co escritor Ramón Caride Ogando, á actividade “Como se fixo un libro”  incluída no programa Ler conta moito da Consellería de Cultura en colaboración co Sistema de Bibliotecas do Concello de Oleiros.

Comenzaron co proceso de creación dun libro desde que a idea xorde ata que chega a editorial, corríxese, ilústrase, imprímese e  ponse en circulación. Caride faloulles de varios libros que podían ser de interés para eles.

Foi unha actividade moi participativa, previamente os nenos e nenas recibiran a través da biblioteca, un artículo dunha revista científica que lles enviara o escritor para a súa lectura na clase, sobre estas ideas escribir un texto e despois facer unha posta en común coas súas aportacións e as do propio Ogando.

Analizaron o libro Exogamia 0.3 de Caride Ogando, a partir das ilustracións de cada un dos relatos, e discutiron situacións relativas ao medioambente, a natureza, traballo infantil, problemas que acarrexa o consumismo, a dopaxe no deporte, as cacerías profesionais de animais e a boa utilización dos avances da ciencia, e decir trataron sobre  a realidade social coa que conviven todos os días.

Yolanda Castaño visitounos o 10 de outubro e contounos a súas “Verdedades”, un libro de poesía infantil que ela esmiuzou para que os pequenos o tempo que se divertían participaran dunhas historias contadas en verso que nos abren os ollos cara a natureza que nos rodea e que está presente no noso medio a través das cousas máis sinxelas. A actuación durou unha hora e os nenos e nenas pasarono moi ben.

O xoves, 10 de outubro, ás 18:30 h, estivo na Biblioteca Central Rialeda  Chrystian Magic. O espectáculo durou algo máis dunha hora na que houbo maxia, humor e moita participación dos asistentes, tanto nenos/as como adultos. O público saíu moi satisfeito da actuación do mago.

O día 25 de abril, realizamos na Biblioteca Pública de Meira a representación do Principiño en Madagascar da man de Raquel Galavís. A representación tivo lugar no Centro Socio-Cultural de Meira lugar onde está ubicada a biblioteca polo que os nenos do colexio de segundo e terceiro ciclo de primaria do CEIP de Meira se desprazaron ata a mesma. Foi unha función que gustou moito na que os nenos se mostraban partícipes do que estaba acontecendo no escenario, implicados en todo momento na viaxe que lles invitaba a facer Raquel.

O 9 de outubro, coñeciamos a un xenio, Leonardo Da Vinci, a súa vida, a súa obra , a súa faceta de pintor e os seus inventos. A actividade desenrolouse en dúas partes,  a primeira foi unha pequena charla apoiada en diapositivas, onde se falaba da vida e da obra de Leonardo Da Vinci, presentando a este xenio, e destacando a súa faceta de pintor e inventor.

Unha vez coñecido a este grande xenio da historia, fíxose un obradoiro, onde, partindo dun dos descubrimentos de Leonardo, a luz viaxa en liña recta, cada neno e nena participante, crea a súa pequena cámara escura.

Complementouse a actividade cunha pequena exposición cos fondos sobre Leonardo Da Vinci

  Feita a cámara escura, toca comprobar que funciona.

Actuación-encontro “Poemas de amor para tempos difíciles” co autor verinense XoséCarlos Caneiro.

Nesta actividade o escritor dará unha clase maxistral de como recitar poesía e declamará os poemas de amor deste libro, ademais os/as asistentes poderán
facer preguntas sobre esta e outras obras de Caneiro.

Esta actividade está enmarcada dentro do programa de dinamización de lectura
‘Ler conta moito’, organizado pola Biblioteca Pública Municipal de Verín e a
Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia.

Devandito programa ten por obxecto fomentar o hábito da lectura no conxunto da poboación,
a través dun achegamento á biblioteca que esperte o interese polo que esta pode
ofrecer, fortalecer o papel das bibliotecas como espazo de relación, aberto
e participativo, e como axente facilitador da aprendizaxe permanente e da descuberta de novos temas e inquedanzas sociais; consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade, promover o desenvolvemento cultural como vehículo para o crecemento persoal e colectivo, e valorar o libro e, en xeral, a lectura como elemento de transmisión de coñecemento e de reflexión.

Máis información na Web da Biblioteca de Verín: http://av.centromultimedia.net/microsite/verin/biblioteca/galego/index.htm