Tivemos unha tarde adicada ós usuarios do programa “Educar en familia” e unha primeira toma de contacto dos bebés cos contos e coa narración oral.

Día 21 de outubro de 2016 das 10 da mañá ata á medianoite, na biblioteca de Escairón

O día 24 celébrase o Día da Biblioteca, e na biblioteca, debido ó éxito acadado en anteriores edicións, decidimos adiantar a celebración ó venres e non pechar en todo o día. Así tivemos actividades de moi diverso contido, empezando con visitas escolares ó longo de toda a mañá e non rematando ata pasada a medianoite.

Ás 10:15 chegou o primeiro dos grupos escolares (4º, 5º e 6º de Infantil do colexio de Escairón) e ás 11:15 o grupo da Escola Infantil Municipal,  que viñeron coñecer a biblioteca e que se entretiveron e divertiron cos contos A toupiña que quería saber quen lle fixera aquilo na cabeza, La princesa y la cerdita e Hay un cocodrilo debajo de mi cama.

Ás 12:15 chegaron os alumnos de 5º e 6º de Primaria, que despois de repasar o aprendido sobre O Saviñao na visita do ano pasado, continuaros vendo como é que un libro pasa a formar parte do fondo da biblioteca e se pón a disposición do público: como se atopa un libro a través da información contida na etiqueta. Etiquetamos varios libros que xa están colocados onde lles corresponde, a maior parte deles pertencen á colección Clásicos español-inglés=Classics Spanish-English. Ademais aproveitamos para invitalos a participar nas actividades da tarde.

Desde antes das 16:00, en que comezaba o obradoiro de debuxo, había participantes agardando por el.

Ás 17:00 o noso habitual obradoiro de origami, no que fixemos un cabalo saltarín e galopín e máis un lazo.

Ás 18:30 (despois da merenda) comezamos cos obradoiros científicos:  a sesión de A Ciencia divertida con Nita (do repertorio do programa Ler conta moito) e obradoiro de Fibonacci.

Escoitamos o conto do globo vermello e fixemos varios experimentos con globos. Logo o conto da Estreliña e fixemos máis experimentos relacionados: como facer estrelas e unha lámpara de lava fosoforescente. Foi sorprendente e moi divertido.

Ás 20:30 concurso colaborativo por equipos con preguntas e probas para conseguir os materiais para o último obradoiro da noite (o dos selos de goma eva).

Ás 22:00 logo dunha apetitosa cea, para que a fame non acabara coas ganas de diversión, saímos buscar á rúa a Anxo Moure que veu participar na nosa festa coa súa Titiricleta (tamén do repertorio do programa Ler conta moito). Con el soubemos da guerra, da paz, da solidariedade e divertímonos paseando na súa orixinal titiricleta.

Ás 23:00 relaxámonos un pouco co obradoiro de selos de goma eva. Gustounos tanto como quedaron que decidimos incluír na nosa cápsula do tempo unha representación dos máis bonitos dos nosos selos!

Da man de Anxo Moure escoitamos contos solidarios e xogamos coa súa titiricleta: títeres, personaxes dos contos e paseos na bicicleta: como condutores ou como pasaxeiros. Foi moi divertido e non podía o sono con nós a estas horas!

Pasada a medianoite (coma sempre, rematando máis tarde do previsto) pechamos a nosa cápsula do tempo cunha conta atrás. Aínda que non foi o peche definitivo porque aínda faltaba incluír fotos das actividades, celebrámolo moito.

Agora queda esperar ata o ano 2025 para abrir esta cápsula de recordos e sorprendernos coas cousas que nos chamaron a atención. Pero a biblioteca segue aberta para todos os que participamos nesta xornada especial, para as súas amizades, familias e coñecidos.

Esperamos que o pasarades moi ben e qeu sigades vindo pola vosa biblio. Nós xa estamos pensando a ver como o celebramos o ano que vén.

O pasado venres, estivemos os máis pequenos da familia na biblioteca con Zeltia.

Contounos contos coma o de Alicia no País das Marabillas, contos de animais,

contos que podíamos tocar…..e morder e tirar pero que nunca se rompían…..

Además explicoulles a os nosos papis o millor xeito de contar contos e xogar

con nós.

Para conmemorar o Día da Música, Pablo Díaz achegou os máis pequenos o seu espectáculo de Cantacontos para bebés, no que mesturando os contos e a música conseguiu que tanto nenos como grandes pasasen unha tarde estupenda na Mediateca do Grilo

Desfrutamos en Sarria “Os contos do chupete”, contos para bebés na que se integran música en directo, literatura infantil, expresión dramática e tradición oral. Os máis pequenos e tamén maiores pasamos un gran día!

Día 3 de xuño de 2016 ás 18:30, na biblioteca de Escairón

Para celebrar o Día dos Océanos (8 de xuño), a poucos días de comezar o verán, o bo tempo, a calor e as vacacións, mergullámonos nun mundo de historias!

Presentamos unha nova actividade do catálogo de actividades Ler conta moito:

Mergullámonos?

historias de emocións

da man de Andrea “Dos Piñeiriños”

o 3 de xuño, ás 18:30 na sala infantil

Escoitamos e gozamos cun conxunto de historias que nos convidaron a explorar o mundo das emocións da man de Roberta, que que traslada a vivir nunha nova granxa e comeza a escola nunha nova vila onde non tén aínda amigos.

Identificando sons da natureza, da granxa, e cantandos e bailandos con Roberta para aprender os números, pasóusenos axiña o tempo.

Ó rematar, entregamos os premios do Certame de Narración e Debuxo Infantil Letras Galegas 2016, e nas sucesivas semanas planificamos varios obradoiros para celebrar o Día dos Océanos.

O pasado sábado 21 de maio, Pavís Pavós visitou a Biblioteca Luís Rei para facer unha divertida sesión de contacontos para bebés. Nela houbo tempo para as adiviñas, as cancións tradicionais, xogos e moitos sorrisos… pais, nais e pequenos gozaron dunha estupenda mañá!

O venres 20 de maio Bea Campos e Davide González volveron a facer as delicias de grandes e pequenos nunha nova sesión dos Contos do chupete, dentro do ciclo Entre arrolos e contiños.

Sementamos unha chea de carballos acompañados de Xaime e as landras, e tamén aprendemos que non hai nada mellor que compartir unha boa casiña de pedra igual que Os tres porquiños. Descubrimos que se Imos cazar un oso igual podemos levar un bo susto, tanto como para ter que ir correndo ao baño, xa que alí Todo o mundo vai…

En definitiva, unha tarde fantástica, como sempre!

O programa de animación á lectura nas bibliotecas “Ler conta moito”, tróuxonos o sábado 14 de maio un Bbencontro especial na Biblioteca Municipal Os Rosales da man de Fran Buceta e a Marta Faílde: Avoa Youja Teatro. As familias participantes con nenos ata os 3 anos disfrutaron mediante a música ó vivo, a poesía visual  e a manipulación de obxectos dun espectáculo cheo de estrelas e astros: “O alumiño dunha estrela”. Coma sempre un pracer.

“Se estarricamos moito os brazos, moi  lonxe, cara o ceo, parécenos tocar as estrelas coa punta dos nosos dedos. Parece imposible, ¿non si?. No espazo agromarán estrelas que brillan e nos rodean. Para bailar entre elas, para que as pequeniñas e os pequerrechos  experimenten a marabilla da beleza e ofrecerlles así a posibilidade de voar tan alto como a súa capacidade de imaxinar novos mundos. Porque rabuñar a bóveda celeste coas puntas dos seus dediños é posible”.

Avoa Youja Teatro: “O aloumiño dunha estrela”

Día 6 de maio de 2016 ás 18:30, na biblioteca de Escairón

Para celebrar o mes das Letras Galegas, e animar a participación no Certame Letras Galegas 2016 [que  este ano se titula “Canta bichería!”], presentamos unha nova actividade:

As nosas historias

obradoiro de sombras chinescas

da man de Olga Abad

o 6 de maio, ás 18:30 na sala infantil

Co obradoiro de sombras chinescas “As nosas historias”, o que se buscou foi fomentar a creatividade, a escoita, e coñecer historias da nosa tradición oral. Ademais levamos para a casa, de recordo, as personaxes para que lle contemos a quen queiramos o conto no que se baseou o obradoiro: O galo Quirico (dispoñible na biblioteca para ler a casa).

O obradoiro, a cargo de Olga Abad serviu, ademais de para mellorar e liberar a nosa imaxinación e a destreza na creación das personaxes,  para animarnos a participar no Certame de Narración e Debuxo Infantil Letras Galegas 2016.

Tal foi o éxito da actividade, que ante a petición popular á voz de porfi, porfi decidimos seguir facendo sombras chinescas na biblioteca: o venres seguinte tivemos un obradoiro para elaborar máis personaxes, e o seguinte o noso propio teatro de sombras para xogar na casa.