Adiantándonos á celebración do Día das Letras Galegas o venres 9 de maio os rapaces e rapazas do Milladoiro viaxaron no tempo desde as Pandereteiras de Mensa ata as Tanxuguerias elaborando o seu propio material artístico no que no que grazas á inclusión de códigos QR as persoas participantes xerarán una peza audiovisual. Unha actividade preciosa para repasar a poesía popular e as figuras clave da escena musical galega.

O idadismo é un termo do que oímos falar cada vez máis, sen embargo, seguimos vendo situacións nas que non se escoita a opinión da xente nova ou non se contrata a unha persoa por ser “demasiado vella”. Neste obradoiro aprenderemos a detectar estas situacións que tan amiudo vivimos sen darnos conta. Pasamos un ratiño moi entretido con Alex da Sociedade Cooperativa Galega Atoupa, que nos deu  un feixe de exemplos e ensinanzas para a sua detección.

Éxito rotundo do obradoiro que pretendeu despertar a inquietude pola ciencia na Biblioteca do CEIP Xosé Luis Taboada de Carballedo.

O 25 de outubro seguimos a celebrar o Dia das Bibliotecas cun contacontos da man de Trémola Teatro titulado “Eva na Antártida”.

Esta vez acompañáronnos nenos do CRA Amencer que pasárono en grande coas aventuras medioambientais de Eva na Antártida e coñeceron a problemática do derretimento do xeo e as súas consecuencias no ecosistema polar.

Trala chegada dos monitores, a actividade procurou achegar aos máis novos e novas ás tecnoloxías do futuro desde o centro cultural que é a biblioteca. Ademais de aprender fundamentos básicos e coñecer o fondo científico-técnico dispoñible na súa biblioteca, os e as participantes puideron fabricar o seu propio robot e levalo para a casa.

O pasado venres, 25 de outubro, os 15 rapaces e rapazas que participaron neste obradoiro crearon verdadeiras xoias para anotar as súas lecutras nuns preciosos cadernos que decoraron coa método Zentangle que lles deu a coñecer Elisabet e que consiste no en trazar patróns repetitivos que crea belas imaxes e fomenta a tranquilidade e a concentración.

Neste obradoiro, que se levou a cabo na biblioteca de Bertamiráns o pasado xoves 24, Día da Biblioteca, os participantes gozaron da tranquilidade e atención que proporciona a técnica Zentangle  que aprenderon con Elisabet. Fixeron o seus cadernos de lectura trazando patróns repetitivos cos que conseguiron preciosos debuxos.

Primeiro unha charla para poñer en situación. A continuación o obradoiro creativo co lixo mariño. Divertido e edificante.

Rotundo éxito foi o obtido pola actividade”Véxote! Contacontos inclusivo”. Dende o primeiro momento logrou captar a atención e a implicación de todos os participantes na actividade que mostrou unha temática tratada con gran sensibilidade. Entre risas e complicidade, lograron presentarnos un obradoiro creativo e singular.

Día 21 de outubro de 2024 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Autobiografía cuantificada II

da man de María Meijide

o 21 de outubro, ás 11:00

Recibimos a María con algo menos de temor ca o ano pasado polo que teriamos que facer. Para facernos relaxar, empezou presentándose outra vez ela e mostrándonos algunhas das cousas que fai.

Logo dalgunhas lecturas e conversas, escribimos un pouquiño sobre nós: o que nos gusta (o calor dos raios do sol nos pés ó sacalos da auga do río no verán), o que non (as bágoas do bebé que acolamos, cando non sabemos que facer para que pare de chorar), etc.

Algunha das súas obras publicadas pódese atopar na biblioteca. Podes consultalo neste enlace.