Álvaro Muras e Martín Camiña, aunan música e maxia para homenaxear a Filgueira Valverde e promocionar a animación á lectura

Interesante combinación de música e maxia para celebrar as Letras Galegas.

Xosé Tomás ofrécenos un obradoiro moi dinámico e creativo, intercalando teoría e práctica.  Comeza cunha serie de referencias históricas, desde os inicios da banda deseñada para ir introducíndonos na propia linguaxe do cómic: liñas cinéticas, estereotipos, onomatopeias, a importancia dos silencios, as viñetas e as súas diferentes formas, os globos ou bocadillos, a elipse, os planos…

Potencia a creación de  historias propias, con guións sobre a propia vida. Se non se nos ocorre nada, tamén podemos xogar co signo de interrogación.

Potencia o fondo de cómic da propia biblioteca, mostrando publicacións interesantes que hai dispoñibles para préstamo.

É un obradoiro moi didáctico e Xosé Tomás  un gran comunicador.

Estes talleres forman parte do programa ABRILUSTRADO das bibliotecas Municipais de Cambre.

O pasado día 8 de abril para celebrar en BiblioPazos tivemos con nos a Avelino González cos seus “Contos literarios”.

Unha hora e cuarto de diversión, risas, humor e historias que fixeron participar ao público moi activamente.

Os alumnos de 3º e 4º da ESO do CPI “Curros Enríquez” de Pazos, profesores e uns pouquiños veciños son a proba do ben que o pasamos con Avelino.

O xoves día 4 de setembro ás 12.30 horas, tivo lugar na Casa da Cultura do Carballiño, a posta en escena do espectáculo de maxia e música “MaxicoSons, unha aventura entre libros”, no que maxia e música se dan a man co fin de promover a lectura dun xeito orixinal e divertido. O público asistente, de tódalas idades,mostrouse moi satisfeito co desenrolo da actividade.

Neste mes de xullo (4,5,11 e 12) tivemos a sorte de poder contar coa presenza do creador audiovisual Xes Chapela na Biblioteca Municipal Infantil e Xuvenil da Coruña para impartir o obradoiro “Libros. Imaxes. Curtametraxes“.

O obxectivo de este obradoiro foi proporcionar un espazo de aprendizaxe arredor da elaboración de curtametraxes e todo o traballo que conleva: elaboración do guión, reparto de personaxes e de funcións para cada un, dende os técnicos de cámara, a dirección, axudantes de son, pasando polos actores, así como a selección de atrezzo necesario.

Por outra banda aproveitamos a oportunidade de ter este obradoiro na biblioteca para crear unha curta que servira para promocionar e dar coñecer o noso club de lectura xuvenil “ElClú”.

Contamos con nove rapaces e rapazas que disfrutaron moito durante os catro días que durou o taller, nos cales descubrimos futuras promesas do cine, tanto diante como detrás da cámara. Foron catro días moi intensos que nos souberon a pouco pero que puidemos aproveitar ao máximo.

A curtametraxe elaborada neste obradoiro publicarémola no Blog dos Clubs de Lectura das Bibliotecas Municipais, estade atentos para non perdela!!!

O noso agradecemento a Xes Chapela e aos rapaces que participaron no obradoiro. Feliz verán para todos/as!!!

O luns, 9 de xuño, ás 18.30 h. a narradora Charo Pita deleitounos no Teatro das Torres anexo á biblioteca , co seu traballo “Contos de amor, erotismo e morte”, unha sesión de contacontos para mozos/as, adultos/as.

Cunha fermosa melodía modulada coa súa voz, comenzou as historias da tradición oral que sobre a vida, o amor e a morte, con certos toque de fino erotismo relatou durante unha hora. Un rosario de contos que fixeron as delicias do público que asistiu ó acto, maioritariamente asistentes ás tertulias literarias (clubs de lectura) que teñen lugar no Sistema de Bibliotecas do Concello.

A actividade que forma parte do programa Ler conta moito da rede de Bibliotecas de Galicia en colaboración co Concello de Oleiros, completouse cunha pequena exposición das obras que temos na biblioteca de Charo Pita, tanto infantís como de adultos.

A Feira do Libro de Brión-Maio Cultura 2014 recibiu hoxe, mércores 21 de maio, ao Grupo Ouriol, que presentou o espectáculo “Nimbos” , un recital de poesía arredor da obra de Xosé María Díaz Castro, autor homenaxeado no Día das Letras Galegas deste ano.
Coa poetisa Eva Veiga á cabeza, o grupo recibiu no auditorio do Centro Social de Brión a un grupo de case 80 rapaces do IES de Brión que cursan 4º da ESO e 1º de Bacharelato. A sesión comezou cunha pequena introdución sobre a figura de Díaz Castro, ao que seguiu o recital propiamente dito. Os versos do poeta, na voz de Eva Veiga, estiveron acompañados pola música executada en directo polo resto dos integrantes da formación. De fondo, unha interesante proxección con imaxes da obra do coñecido pintor noiés Alfonso Costa ilustraron as estrofas saídas da pluma do autor de “Nimbos”.
O recital, que se estendeu aproximadamente uns 35 min., finalizou coas palmas do auditorio. Segundo nos contou un dos profesores acompañantes, o grupo de escolares traballarán agora na obra deste autor dentro da materia de Lingua galega e Literatura.

O poeta e narrador Xesús Manuel Valcárcel López visitou a nosa biblioteca para falarnos de Xosé María Díaz Castro. Grazas a el aprendimos a valorar aínda  máis a figura deste poeta lugués.

O 6 de maio a Biblioteca Pública Municipal de Ribadavia organizou un obradoiro da man de  Xosé Tomás Díaz Teijo que fixo un obradoiro de banda deseñada para nenos da ESO, na que lles ensinou os principios básicos do cómic e despois levárono á práctica coa elaboración dunha viñeta.