Este luns 30 de setembro mergullámonos nas lendas galegas da man da compañía teatral Tarabelos e o seu espectáculo “Debulendo… lendas galegas”. Xacias, dragóns e outros seres mitolóxicos tomaron vida na nosa biblioteca a través de historias debuxadas coa técnica do kamishibai, narracións nas que tamén puido participar o público coas súas propias ilustracións e converténdose nun personaxe máis de cada lenda.

O venres 27 de setembro recibimos a visita do Ratos de Lonxedetodo, que viñeron contar a historia de Manolo Caracol e a súa historia de amor. Espectáculo infantil que combina música, narración oral e títeres para facer desfrutar ao público infantil e tamén aos maiores

O venres 27 de setembro veunos visitar Soraya Lema á B.P.M. Ánxel Fole de Nós, coa que desfrutamos os contos  de AITANA E AVOA, E OUTROS CONTOS VIOLETAS, contos cheos de amizade, empatía e igualdade.

 Foi unha sesión moi participativa na que os nenos e nenas asistentes axudaron encantados a Soraya na narración dos contos que ela agradeceu aprendéndolles unha canción coa que encheron a biblioteca de música e ledicia.

O 25 de setembro visitounos Pablísimo coa súa bici, que viña cargada de obxectos cos que deu vida a contos de diferentes países.

 En toda a actividade as persoas asistentes tiveron moita participación e divertimento.

O pasado mércores 25 de setembro o público de Cerdedo quedou encantado cos contos da bruxa Maruxa. Unha tarde moi divertida da man de Batucado & Emusín

O martes, 24 de setembro, tivemos na biblioteca de Oleiros a Brais das Hortas que  trouxo unha maleta chea  de contos cos que, máis que tremer de medo, morremos coa risa.

O público desfrutou moitísimo nesta sesión de contos, música e sobre todo moito moito humor. Ata apareceu pola biblioteca a mesmísima Santa Compaña cantando un trap !!!

Parecera que a mesma Rosalía se materializase na Biblioteca de Moeche para falar da súa vida e de literatura aos participantes no obradoiro de memoria e algún usuario máis no día da inauguración do curso. A artista Helga Méndez na súa espléndida interpretación.

Durante a fin de semana do 7 e 8 de setembro a Biblioteca de Betanzos organizou o primeiro FESTIBAM, unha finde chea de actividades na BAM (Biblioteca, Arquivo, Museo) Betanzos, cas actividades de Ler Conta Moito e con actividades no Museo das Mariñas co que compartimos instalacións: visitas guiadas, feira de artesáns e artistas locais, xogos, etc.

Na Biblioteca celebráronse as seguintes tres actividades por conta do programa Ler Conta Moito:

1.- Cantoconto Contocanto, de Maquinarias Teatro, orientado a maiores de 5 anos.

2.- Obradoiro de elaboración de emakis, dentro da proposta de Juste Kamishibai, para maiores de 6 anos.

3.- Obradoiro de imprenta, por 1mardecores, para nenos e nenas de entre 6 e 14 anos.

As tres actividades foron un éxito de público e foron moi ben valoradas.

Onte tivemos unha mañá chea de contos e xogos do máis divertidos con Eduvía, no que @s nen@s aprenderon que non hai contos nin xogos de ningún xénero.

O pasado venres desfrutamos dun bonito espectáculo da man de Manuel, contos maxia, sorrisos e moitas sorpresas .

Ao remate, cociñamos entre todos e todas un pastel de forma máxica que podeimos saborear.

A través dos contos, da maxia e dos xogos poñemos énfase na toma de conciencia de que todxs somos iguais, temos os mesmos dereitos e deberes.

Unha pequena representación dos usuarios e usuarias do Centro de Día achegáronse ata a biblioteca compartindo un bonito momento coa rapazada.

Que ben o pasamos!!!