O martes, 23 de Xullo visitáron a biblioteca de Paradela, Ían & Elisa cunha actividade moi divertida. Un obradoiro de globos, que mesturou maxia, música, inglés e moita diversión.
Os nosos nenos e nenas aprenderon a facer un montón de obxetos e animais con globos (sombreiros, espadas, cans, …), parece sinxelo pero sen as explicacións e a axuda de Ían & Elisa seguro que os resultados non serían os mesmos.
Pasámolo xenial!!
O domingo 21 Pakolas visitou As Pontes co seu espectáculo muiscal Cores, contos e Rock’n’Roll. Nestas xornadas nas que o bo tempo nos permite trasladar a biblioteca ao parque, desfrutamos da boa música e da enerxía que sempre nos trae Pakolas. Ademais nesta ocasión tamén dos debuxos de Laura Romero que aos nenos e nenas das Pontes encantáronlles.
O 11 de xullo tivemos doble sesión de actividades na biblioteca. As 11 h. nenos dos campamentos de verán de Bolboretas e Concello e do campamento de pintura de Rocio, mais nenos da vila, asistiron a un contacontos teatralizado da man da compañía Elefante Elegante coa obra “Lobo Bobo” e pasárono xenial.Programa Ler conta moito. Estas son algunha das fotos. Mais nas redes sociais
https://www.facebook.com/bibliotecaribadavia.ribadavia/ https://twitter.com/BpmRibadavia
O sábado 20 de xullo o Mago Teto trouxo ata a s Pontes os 4500 anos da histora da maxia. Fixemos ese percorrido pola historia máxica a través de números de maxia nos que participou o público asistente. Estes días co bo tempo sacamos a biblioteca ao parque e desfrutamos alí das actividades de animación e da lectura.
O pasado venres 19 de xullo as actrices de Sarabela fixeron desfrutar aos nenos e nenas das Pontes co seu espectáculo Isto non é una Caixa. Viaxamos con elas e coas súas maletas ata a Muralla China acompañando á ratiña Sofía. Un pracer para todos e todas pasar a tarde con elas.
Antía Yáñez demostrounos que non hai nada mellor que desenvolver un Rescate na biblioteca, para que os nenos e nenas coñezan cómo ser organizan os libros e ónde se buscan as informacións.
Buscando as distintas pistas entre os libros, no catálogo ou preguntando á bibliotecaria ou bibliotecario, é posible resolver calquera misterio.
Nesta ocasión, e como acontece sempre con Pakolas, o seu espectáculo “Cores, contos e Rock’N’Roll” estivo cheo de ritmo e enerxía.
Veu acompañado da ilustradora Laura Romero e quedamos encantad@s coa súa visita, que serviu de inauguración para a terceira xornada da Praza dos Libros.
O luns 15 de xullo o mago Javier Muro trouxo ata a biblioteca municipal de Caldas de Reis o seu espectáculo O neno que quería ser mago, un conto de animación onde o teatro e a maxia fixeron que un grupo de nenos e nenas empezaran a semana cunha chea de sorrisos.
O pasado mércores, o mago Javier Muro e os seus pequenos e pequenas aprendices inundaron de maxia a ALM de Carnota, co espectáculo Xogando coas palabras. O factor sorpresa e o humor son son dúas das claves deste espectáculo de maxia infantil, creado a partir de palabras e números elixidos ao chou, co público como auténtico protagonista.
O día 17 de xullo realizouse este obradoiro na nosa biblioteca de Culleredo. Provocou moito interés entre a rapazada, co aforo completo. Fixeron os seus primeiros experimentos científicos, xogando coa luz ultravioleta, co equilibrio e a gravidade. Moi interesante para fomentar a creatividade.
Séguenos