O pasado venres 26 de abril visitounos Fran Campos da compañía Bandullo azul. Veu cun amigo, o gato Fazulas, que pasou parte da tarde intentando atrapar ao ladrón de paraugas e para o que precisou moita axuda, sobre todo dos nenos e nenas que estaban na biblioteca de Caldas de Reis. Risas e música nunha semana moi especial, a do Día do Libro. Grazas aos dous pola visita!
O xoves dous de maio pola tarde, na Axencia de Lectura Xosé Cardeso Liñares de Vilaboa (Culleredo), a cativada tivo a ledicia de participar no Gran Xogo das Letras Galegas, homenaxeando a Luísa Villalta e aos demais grandes das nosas Letras. Xogaron e aprenderon en equipos, pasando unha tarde chea de divertimento
O pasado venres, día 26 de abril, pasamos unha tarde monstruosa con Carmen Domech.
Os máis cativos gozaron con tres historias: na primeira temos a Max, un neno que imaxina que é un lobisome e convértese no rei dos monstros, na segunda historia, Carmen preséntanos a outro tipo de monstros que habitan na comida que mercamos no supermercado e, na terceira temos a un monstro que lle resulta difícil identificar as súas emocións pero é axudado por outros monstros.
O pasado Día do Libro a Biblioteca das Pontes foi unha celebración. Sobre todo grazas ao espectáculo Ondamini de Mamá Cabra. Os nenos e nenas ponteses, e tamén os adultos, bailamos, cantamos e pasámolo estupendo nunha das datas máis queridas para os lectores. Mamá Cabra sempre nos enche de alegría, música e bo humor. Grazas por acompañarnos este Día do Libro!
O martes 23 de abril tivemos connosco a Paula Regueiro para festexar o Día do Libro!
Co seu contacontos “Anuncio por palabras”, fixo que grandes e cativos participasen da actividade .
O martes 23 de abril tivemos connosco a Raquel Queizás para festexar o Día do Libro!
Raquel trouxo o seu espectáculo “A Orixe”, que fixo as delicias tanto de grandes coma cativos, e máis de un voluntario rematou no chan 😉
Foi unha sesión moi amena e divertida, e tamén moi participativa, xa que cantamos, bailamos e algúns papás e mamás foron voluntarios para axudar a Raquel no seu conto de animais.
Ó rematar, os pequenos quixeron tocar e preguntar a Raquel polos seus “artefactos” e mesmo sacar fotos.
Moitas grazas Raquel por unha tarde moi divertida para festexar unha data tan especial.
Esta foi unha das actividades coas que estamos a celebrar a programación do Día do Libro. O venres 20 de abril 12 rapaces e rapazas do Milladoiro deron renda solta a súa imaxinación e crearon unhas orixinais ilustracións coas que crearon despois a súa propia caixa de luz. Cada participante levou para a súa casa a súa obra. Todas moi orixinais!! Pasámolo en grande con Carlos da Asociación Cultural Jóvenes Científicos y Emprendedores Atlantic .
Este sábado día 20 de abril dentro da programación do Día do Libro, 9 rapazas de Bertamiráns fixeron neste obradoiro da Asociación Jóvenes Científicos y Emprendedores Atlantic a súa propia caixa de luz coas ilustracións dos seus contos preferidos. 
O pasado xoves 18 Sarabela Teatro visitou As Pontes para ofrecerlles aos nenos e nenas pontesas o seu contacontos O lapis de Martín. A rapazada participou da contada e ata inventamos algunha que outra palabra nova que lle regalamos a Sabela para que Martín a leve polo mundo adiante. Pasámolo moi ben!
Séguenos