Como celebración do Día da Biblioteca, o venres 21, Santiso ofreceu un obradoiro creativo: Xogo teatral con elementos naturais.
Nesta actividade os nenos e nenas participaron encantados traballando con contos e elaborando todo tipo de manualidades con elementos naturais.
Día 21 de outubro de 2022 ás 11:05 en Escairón
Seguimos celebrando o mes das bibliotecas coa actividade do programa Ler conta moito…
da man de Cris de Caldas
o 21 de outubro, ás 11:00 na biblioteca
A través de varios contos soubemos que aínda que che digan que non podes facer algo, tés que saber que se queres, podes, como a xirafa á que lle decían que non podía bailar.
Soubemos de malvados viláns a valentes, todos teñen unha historia.
A soñar con que se eu fora…
E que o medo é medo, e ás veces un lobo da medo aínda que digas convencido que o vas papar!
@s @s nen@s de 2º e 3º ciclos do colexio de Moeche coñeceron ás máis destacadas científicas galegas e os seus logros na investigación científica, ao tempo que se achegaron á ciencia por medio de curiosos experimentos que causaron o seu asombro e admiración.
Todo da man de Patricia, a monitora de eduvía, con coñecementos, amenidade e simpatía.
Día 20 de outubro de 2022 ás 11:30, biblioteca de Escairón
Seguimos celebrando o mes das bibliotecas coa actividade do programa Ler conta moito…
Falamos de arte?
da man de Dani e Iria
o 20 de outubro, ás 11:30 na biblioteca
Achegámonos á historia da arte desde a prehistoria ós nosos días pasando por Exipto, Grecia ou Roma.
Con sorpresa vimos que cousas que hoxe en día aínda semellan sorprendentes teñen moitos anos.
Rematamos cun xogo para demostrar canto aprendemos de arte!
E para rematar este ano a programación de Ler conta moito , celebramos o Día Das Bibliotecas co espectáculo “Lúa” de Teatro Gazafelhos. Un espectáculo divertidísimo , dinámico e participativo con Montse e Pablo que sempre triunfan e deixan aos nenos , nenas e maiores abraiados . Ademais unha obra chea de valores , a tolerancia, apreder a compartir, a paz e a non violencia, todo moi apropiado para estes tempos que estamos vivindo.
Quedamos encantados de volver ter con nós a Montse e a Pablo!!
Quen dixo que as tardes de outono son aburridas? Hoxe en Carnota pasámolo en grande con Música Miúda e as animadísimas Historias de Bemol Pequeno. Marabilloso espectáculo para cantar, bailar e desfrutar en familia.
Por nós, que chova!
Outubro, Mes das Bibliotecas
Hoxe estivo Tarabelos na Biblioteca de Portonovo coa súa proposta “O traxe novo do rei”, que aínda a ser un conto ben coñecido non deixou de sorprender ca súa particular versión cuns títeres fantásticos.
o traxe novo do rei
Tanto os nenos e nenas coma os maiores disfrutaron e pasaron un bo rato, participando da actividade, rindo, aplaudindo e cuestionando ó propio conto, tanto que ás veces os pais e nais rían coas ocurrencias dos pequenos.
Ó rematar a sesión xa houbo quen se levou o conto en préstamo para ler na súa casa…eso é o que máis nos gusta ós bibliotecarios!!!
Moitas grazas a Tarabelos por esta magnífica sesión!
E ata a próxima 😉
O luns 24 de outubro celebramos o Día das Bibliotecas, unha data para trasladar á opinión pública a importancia da biblioteca como lugar de encontro dos lectores de todas as idades coa cultura, e como un instrumento de mellora da formación e a convivencia humana.
Para conmemorar esta efeméride tan especial, a biblioteca municipal organizou unha actividade de animación para crianzas que contou coa presenza da escritora e narradora Charo Pita que presentou en Brión o contacontos “Andar aos biosbardos”. Ler máis →
A Biblioteca Central de Cambre acolleu onte, mércores 19 de outubro, unha divertida sesión de maxia para todos os públicos, a cargo do Mago Teto. Co obxectivo de espertar o interese pola arte da maxia, o espectáculo ‘4500 Anos da incrible historia da maxia (Parte 1 e 2)‘ repasou as fantásticas e sorprendentes historias do xénero, acompañadas coa realización de xogos de magos doutros tempos e a explicación dalgúns dos mellores trucos de maxia da historia. De xeito complementario, a biblioteca realiza estes días unha exposición dos seus fondos bibliográficos sobre o asunto.
Día 18 de outubro de 2022 ás 18:00, biblioteca de Escairón
Celebramos o mes das bibliotecas coa actividade do programa Ler conta moito…
da man de Andrea Barreira Freije
o 18 de outubro, ás 18:00 na biblioteca
Achegámonos á historia das mulleres na aviación.
Con Andrea aprendemos que un avión era compartido, porque era moi caro, e que ademais era raro que houbera mulleres pilotando un.
Ensaiamos equilibrio:
Despois de saber máis cousas de como era un avión na época de Amelia,fixemos os nosos avións de papel:
Despois de comprobar que voaban, personalizamos os nosos avións igual que facían os promeiros pilotos, incluso Amelia:
Unha actividade moi divertida porque os distintos modelos de avións voan distinto!
Séguenos