O titiricleteiro entrou na biblio pedaleando a súa titiricleta, acompañado do público, mentres tocaba a bocina.

Todos os nenos e nenas colaboraron con el, participando no desenvolvemento do conto, manexando os títeres, disfrazándose….

Tivemos o salón cheo.. para escoitar os contos do Titiricleteiro, contos da India, de Guatemala, de Bangladesh, na súa particular procura da paz no mundo.

Xogamos tamén á “Ximnasia da imaxinación” fomentando a lectura nesta celebración do “Día do Libro do 2016” e tamén o “Día dos libros que coidan da terra”.

Actividade con cancións, cordas, cartas, panos, papeis; da man do músico Álvaro Muras e do mago Martín Camiña coa vida de Manuel María como escenografía.

Celebrado o 29 de maio na biblioteca de Castrelo de Miño, e con actividades tamén no exterior dela aproveitando que no Parque Náutico de Galicia (onde se atopa a biblioteca), se celebrou ese día a Feira mensual de Castrelo de Miño, concurrindo unha gran cantidade de público.

Desfrutamos en Sarria “Os contos do chupete”, contos para bebés na que se integran música en directo, literatura infantil, expresión dramática e tradición oral. Os máis pequenos e tamén maiores pasamos un gran día!

Xogamos coas letras, con rapaces de diferentes idades coñecemos idiomas e linguas de forma divertida.

O pasado venres, 3 de xuño, a Biblioteca municipal da Silva acolleu a Lilli Gruyere (Trinke Trinke) para darlle a despedida á programación de actividades de dinamización do libro e da lectura desta primavera 2016. Así de ben o pasamos!!! En setembro… regresan novas actividades as nosas bibliotecas

Merendas e Contos na Biblioteca municipal da Silva (Cerceda)

O sábado, 4 de xullo tivemos na Biblioteca Municipal a actuación de Solidariedade Internacional de Galicia, co espectáculo “Un outro mundo por descubrir; as viaxes de Irene”.

Foi unha sesión moi didáctica sobre outors países, os seus costumes, a flora e a fauna etc…O público fixo unha valoración positiva dunha actuación na que ademais de escoitar contos puideron sentir os aromas das especias orientais e mesmo tocar area do deserto…

Este pasado venres a Biblioteca de Chapela achegou o verán aos cativos e cativas da contorna co contacontos “Comechíns”.
Alba Bermúdez, de Triatreros, achegouse á biblioteca cunha caixa chea de contos, algúns deles moi coñecidos polo público asistente,  cos que animou aos cativos participantes a ser os mellores comedores, e a procurar receitas sás e equilibradas, nas que comer “de todas as cores”.

Comechíns, lecturas recomendadas pola biblioteca

Na biblioteca aproveitamos para recomendarlles os asistentes moitas lecturas e contos “gorentosos” que non se debían perder. E case todos marcharon para as casas destas familias participantes nos contacontos, para encherlles de novo os ouvidos de historias e diversión.

VER MÁIS no BLOG das BIBLIOTECAS DE REDONDELA: http://bibliotecasredondela.blogspot.com.es/2016/06/os-comechins-aprenden-comer-co-contos.html

Actividade que mestura música, teatro e danza, onde a protagonista conta de forma sinxela e divertida o ciclo da auga e a importancia de coirdar o Medio Ambente. Unha tarde fantástica para cativ@s e maiores, tamén moi didáctica, grazas Carmiña!!!

Día 3 de xuño de 2016 ás 18:30, na biblioteca de Escairón

Para celebrar o Día dos Océanos (8 de xuño), a poucos días de comezar o verán, o bo tempo, a calor e as vacacións, mergullámonos nun mundo de historias!

Presentamos unha nova actividade do catálogo de actividades Ler conta moito:

Mergullámonos?

historias de emocións

da man de Andrea “Dos Piñeiriños”

o 3 de xuño, ás 18:30 na sala infantil

Escoitamos e gozamos cun conxunto de historias que nos convidaron a explorar o mundo das emocións da man de Roberta, que que traslada a vivir nunha nova granxa e comeza a escola nunha nova vila onde non tén aínda amigos.

Identificando sons da natureza, da granxa, e cantandos e bailandos con Roberta para aprender os números, pasóusenos axiña o tempo.

Ó rematar, entregamos os premios do Certame de Narración e Debuxo Infantil Letras Galegas 2016, e nas sucesivas semanas planificamos varios obradoiros para celebrar o Día dos Océanos.

Juste Kamishibai, Papel e Teatro veu a contarnos historias divertidas e interesantes con personaxes exóticas: Un fotógrafo, un mono ladrón de cámaras e unha señorita misteriosa…todo esto na caixa chinesa de papel e os seu despregables.No Kamishibai, teatro de papel en xaponés, os nenos fixeron ambientación do conto, poñían voces e facían o efecto do vento e do mar para narrar a aventura da pequena balea Nesi que se convertiu en nena e foi axudada por un simpático neno nunha fabulosa aventura.Despois viñeron os emakis, vellos pergaminos que se proxecta cunha luz posterior e que nos contaron unha divertida historia de bichos de variadas cores

Moitas historias de Kamishibai que Juste relatou a través de fascinantes personaxes que quedaron moi vivos na imaxinación dos nenos e nenas do Valadouro.