Espectáculo variado, onde pintamos, cantamos e falamos da vida de Florencio Delgado Gurriarán, autor homenaxeado

no Dia das Letras Galegas 2022.

Maio, mes das Letras Galegas,  trouxo á  Biblioteca Miguel González Garcés do Burgo, en Culleredo, unha fermosa e divertida actividade para contar, cantar e bailar, contos e música de guitarra en vivo 

Unha científica rusa e o seu axudante puxeron a funcionar a súa máquina do tempo e aprendemos unha chea… coñecemos grandes personaxes da historia e o máis importante, sen parar de rir. Unha tarde fantástica que nos fiexeron pasar a cativos e maiores.

Un bo número de nenas e nenos acompañados polas súas familias asistiron á actividade de animación á lectura hoxe xoves á tarde no Vicedo. Atenea García presentou o seu espectáculo de narración oral divertindo a nenos e maiores.

Na mañá do xóves, 19 de maio, Inacio Vilariño – Fantoches Baj, pasou por Cee para ofrecer un espectáculo que atrapou desde un primeiro momento ao público asistente,  a través da narración oral, o humor, os monicreques, e a música; sendo esta última o fío conductor da obra. A historia do tranvía Leonardo, conta a historia do primeiro tranvía a vapor de Galicia; e tal como é contada polo artista, axuda a espertar a creatividade dos cativos, e podo asegurar polas caras de satisfacción dos rapaces ao finalizar a función, que foi do seu total agrado. En definitiva, “O tranvía Leonardo” acadou que 170 nenos e nenas de 2º, 3º e 4º Curso de Primaria dos diferentes Centros educativos do Concello de Cee pasasen unha mañá moi divertida e amena.

O mércores 16 de maio, María Faltri e Jorge Juncal achegaban a 190 rapaces de Educación Infantil e 1º Curso de Primaria dos diferentes colexios do Concello de Cee, a súa Bibliodiscoteca, cargada de fantásticas cancións infantís, acadando convertir o Auditorio nunha auténtica pista de baile, chea de alegría e festa. Cunha atractiva e divertida posta en escena, a “Picadiscos” foi facendo partícipes desde un primeiro momento ao público en xeral, o cal conectou fenomenalmente co desenvolvemento da actividade.

Onte Sole Felloza achegouse ás Pontes e púxolle voz a algúns dos poemas de Florencio Delgado Gurriarán. Entre contos de Valdeorras e unha viaxe pola vida de Florencio desde o seu Córgomo natal ata México, o público pontés puido coñecer un pouco máis ao autor homenaxeado nas Letras Galegas 2022. A presenza escénica de Sole Felloza é sempre un desfrute, acompañado ademais neste Vendimando versos da sonoridade e fermosura dos poemas de Delgado Gurriarán.

Esta mesma maña tivemos na Casa da Cultura de San Pedro de Muro o primeiro de un pequeno ciclo de contacontos, este a cargo da Xanela do Maxín, do cal desfrutaron os nenos de varias escolas unitarias da zona.

Enmarcada na Semana das Letras Galegas en Culleredo, o 18 de maio tivo lugar esta maravillosa actividade para os bebés, na Biblioteca Miguel González Garcés do Burgo. Charo Pita deixounos a todos abraiados. Contos e  cancións con “A formiga na barriga”