Un moucho que busca solucións, un aviador e moitos nenos para axudarlle a dar coa proposta correcta. Contacontos de “Elefante Elegante” na Biblioteca de Valdoviño

O pasado venres, a biblioteca municipal Casa dos Fraga de Cambados recibíu a visita de Alicia, da man dos Títeres Cachirulo.

Durante unha hora os pequenos e familias que alí se achegaron puideron gozar das aventuras de Alicia no país das marabillas e os seus encontros con personaxes tan disparatadas como o coelliño branco, a raíña de corazóns, a eiruga verde etc.

Durante este mes de outubro estendemos a varias xornadas a celebración do Día das Bibliotecas.

Títeres Cachirulo na Casa dos Fraga en Cambados

Grazas ao programa Ler conta moito, ademais dos Titeres Cachirulo, poderemos gozar o vindeiro venres de Aldaolado e a súa música a través do seu espectáculo “Con dez poemas por barba”…estades todos convidados!

O xoves, 10 de outubro, os alumnos de 5º de Primaria do CEIP Parga Pondal de Santa Cruz (Oleiros) asistiron no Teatro das Torres, anexo á Biblioteca a un encontro co escritor Ramón Caride Ogando, á actividade “Como se fixo un libro”  incluída no programa Ler conta moito da Consellería de Cultura en colaboración co Sistema de Bibliotecas do Concello de Oleiros.

Comenzaron co proceso de creación dun libro desde que a idea xorde ata que chega a editorial, corríxese, ilústrase, imprímese e  ponse en circulación. Caride faloulles de varios libros que podían ser de interés para eles.

Foi unha actividade moi participativa, previamente os nenos e nenas recibiran a través da biblioteca, un artículo dunha revista científica que lles enviara o escritor para a súa lectura na clase, sobre estas ideas escribir un texto e despois facer unha posta en común coas súas aportacións e as do propio Ogando.

Analizaron o libro Exogamia 0.3 de Caride Ogando, a partir das ilustracións de cada un dos relatos, e discutiron situacións relativas ao medioambente, a natureza, traballo infantil, problemas que acarrexa o consumismo, a dopaxe no deporte, as cacerías profesionais de animais e a boa utilización dos avances da ciencia, e decir trataron sobre  a realidade social coa que conviven todos os días.

O mércores 9 de outubro visitounos na Biblioteca “Rosalía de Castro” de Sta. Cruz (Oleiros) Nita Romero cargada cun montón de contos e divertidos experimentos que fixeron as delicias de nenos e non tan nenos. A primeira sesión que comenzou ás 5 da tarde estivo dedicada a nenos e nenas de 0 a 3 anos, comenzamos sentados todos na alfombra escoitando o conto do “Globo vermello” para pasar as mesas e experimentar con globos inflados con vinagre e bicarbonato, facer maxia cun globo que cortamos coas tesoiras e despois inflou Nita, cantamos a canción da Lúa e escoitamos o conto da Estrela de Laura, para debuxar estrelas con paliños e acuarelas e facer arcos da vella con xabrón.

Na segunda sesión para nenos e nenas maiores de 3 anos, escoitamos contos , descubrimos a electricidade estática e a lámpada de lava que nos fixo brilar con luz incandescente, o papel que non se molla na auga…

Unha actividade moi divertida na que os nenos e nenas desfrutaron cos sinxelos experimentos e comprobaron que a ciencia está presente en moitas tarefas da vida cotiá.

Como en todas as actividades que se fan na biblioteca temos unha exposición na entrada da sala infantil onde os asistentes poden consultar información ou levar en préstamo os diferentes libros sobre experimentos, fisica e quimica, natureza aconsellados para cada unha das idades.

O venres 4  de outubro ás 18:00 na Axencia de Lectura de San Vicente (O Grove)  tivemos  “Contos para todos” a cargo de Manuel Solla  (Expresión Produccións). Os asistentes disfrutaron dunha sesión divertida na que todos participamos moi activamente na narración dos contos.

O 5 de outubro todos os nenos e nenas que se achegaron a nosa biblioteca para participar nos sábados de choiva de contos, pasaron un anaco moi divertido e diferente escoitando os contos en verso.

Consultar enlace ao evento no facebook da biblioteca.

Día 4 de outubro de 2013 ás 14:40, na axencia de lectura Maruchi Arias de Currelos

Da man de Solidariedade Internacional de Galicia chegáronnos estes Contos do mundo, dentro do repertorio do programa Ler conta moito.

A actividade comezou coa presentación da animadora ós asistentes, a quen invitou despois de entrar descalzos á nosa imaxinaria haima, para coñecer un pouco máis da cltura saharauí, apoiando a súa explicación con fotos. Xa acomodados no chan, invitounos a viaxar con ela coñecendo un pouco de mundo, a través dun globo terráqueo, vendo países, continentes e océanos.

Acabamos aterrando no norte de África, concretamente no deserto do Sáhara, do cal vimos fotografías: o deserto, casas de adobe, a roupa das súas xentes (incluso vimos como se fai un vestido cunha longa tea, sen fío nin agulla), tamén aprendemos que viven en haimas, escoitamos algo de música, e sobre todo, coñecemos algo máis sobre como viven e algunhas das súas historias.

Preséntase o xeito de vida en haimas, as teas coas que se visten, … incluso tivemos a oportunidade de que quen quixera tocara area do deserto do Sáhara (que nos trouxo nun frasquiño), o cal nos sorpendeu porque tén unha cor, unha textura e un aspecto sorprendente… Ninguén imaxinaba como sería tocar esa area.

Contou varias historias das que lle contaron cando estivo visitando a Gali e á súa avoa Layla. Os asistentes participaron activamente, e incluso cando nos ensinou como vestir unha tea moi longa para convertila nun vestido típico das mulleres saharauís. Entre as historias que nos contou están a historia do chacal Mohamed e a tartaruga Laha, e a do pastor que se converteu no sol.

Para rematar, fixeos un corro que foi percorrido por un bico viaxeiro, no que non se obrigou a ninguén que non quixera a recibir un bico desde un lado e “pasalo” ó outro ata que chegara á monitora para despedila.

Ademais entregou varios exemplares da colección “Contos do mundo” para a biblioteca e mais para o colexio de Currelos.

Día 4 de outubro de 2013 ás 17:00, na biblioteca de Escairón

Da man de Solidariedade Internacional de Galicia chegáronnos estes Contos do mundo, dentro do repertorio do programa Ler conta moito.

A actividade comezou coa presentación da animadora ós asistentes, quen invitou ós asistentes a viaxar con ela coñecendo un pouco de mundo, a través dun globo terráqueo, vendo países, continentes e océanos.

Acabamos aterrando no norte de África, concretamente no deserto do Sáhara, do cal vimos fotografías: o deserto, casas de adobe, a roupa das súas xentes (incluso vimos como se fai un vestido cunha longa tea, sen fío nin agulla), tamén aprendemos que viven en haimas, escoitamos algo de música, e sobre todo, coñecemos algo máis sobre como viven e algunhas das súas historias.

Animouse ós asistentes a descalzarse como introdución á cultura saharauí que é a que rodeou a sesión desenvolta. Aproveitando que había asistentes marroquís comparouse a cerimonia do té e mais desenvolveuse un baile.

Preséntase o xeito de vida en haimas, as teas coas que se visten, a cerimonia do té (na que se deben tomar 3 vasos). Incluso se deu opción a que quen quixera puidera tocar unha pouquiña area do deserto do Sáhara, o cal nos sorpendeu porque tén unha cor, unha textura e un aspecto sorprendente… Ninguén imaxinaba como sería tocar esa area.

Para que os asistentes identificaran mellor os conceptos que se trataban (o deserto, as haimas, as roupas, as casas de adobe,…) a contadora usou fotos de gran tamaño para velas.

Contou varias historias das que lle contaron cando estivo visitando a Gali e á súa avoa Layla. Os asistentes participaron activamente, e incluso cando nos ensinou como vestir unha tea moi longa para convertila nun vestido típico das mulleres saharauís. Entre as historias que nos contou están a historia do chacal Mohamed e a tartaruga Laha, e a do pastor que se converteu no sol.

O remate da sesión consistiu nun corro que percorreu un bico viaxeiro, non que non se obrigou a ninguén que non quixera a recibir un bico desde un lado e “pasalo” ó outro ata que chegara á monitora para despedila.

Ademais entregou varios exemplares da colección “Contos do mundo” para a biblioteca.

Acabamos bailando todos, e despedímonos cun sonoro bico viaxeiro.

O luns 7  de outubro ás 18:30 na Biblioteca de Dorneda  tivemos  “Contos para todos” a cargo de Manuel Solla  (Expresión Produccións). Tivo una gran acollida por parte de todo o público asistente, así como unha gran participación. Escenificacións e pequenos trucos de maxia algunhas das cousas que poidemos descubrir.

Os 43 asistentes desfrutaron de 50 minutos de ilusión.

Un percorrido por o máis clásico dos contos infantís: os reis, os príncipes e princesas, coas súas debilidades e fortalezas, para potenciar os valores positivos e romper os estereotipos.

Fátima Fernández seduciu aos nenos (de todas as idades) e aos adultos que os acompañaban.

Puro entretenimiento para público familiar.