O martes, 19 de xuño, visitounos na biblioteca de Sta. Marta, Patricia de O faiado de Nin, ca que pasamos unha tarde moi entretida levando a cabo todo o proceso de elaboración do noso propio conto, comezando pola creación da historia, a ilustración e finalmente pasamos o proceso técnico de encadernado a modo de pequenos libriños plegables. O resultado foi do máis coidado por parte dos nosos participantes, a vista está a calidade das nosas obras.

O venres, día seis de xullo, o músico Manoele de Felisa fixo as delicias dos asistentes á Biblioteca Pública Municipal de Moeche, que foron, na súa mayoría, os componentes do Obradoiro de Memoria que celebraban o remate do curso, ademáis doutros espectadores que se achegaron por alí.

A poesía de autores galegos como Rosalía, Castelao, Neira Vilas e outros cobrou vida na voz e música do cantautor galego.

Unha tarde para recordar.

Iria Mejuto fascina coa súa voz. Deixa abraiado a quen a escoita. Voz e interpretación.

“Soul e literatura, un paseo, entre liñas, pola música negra” é un espectáculo musical que compaxina música e literatura. Unha coidada selección musical interpretada en directo e que vai intercalando con lecturas de textos de diversa índole, pero co común denominador da música.

Iria, acompañada polo magnífico guitarrista Richi Rozas,  reinterpreta grandes éxitos da música negra. É precisamente unha auténtica posta en valor da cultura negra e as súas influencias no momento actual.

Moi recomendable para realizar na biblioteca. Para difundir o fondo musical que contén e para espertar sensibilidades diversas. A partir desta actividade pódese potenciar a poesía, tan ligada á música, ou un paseo pola novela con referencias musicais…

A música en vivo na biblioteca é unha experiencia para repetir.

Onte escoitamos a Lucas Requejo falar de alimentos, promoción da saúde, natureza, coñecemento, cambio climático, historia, vida, futuro, ciencia, orixe, educación e hábitos

“A boa alimentación mellora a saúde. Moitas persoas pensan que alimentarse é só unha necesidade de supervivencia, e que dá igual o que comamos porque o que importa é saciar a fame; pero non é así, hai que saber comer e facelo de forma balanceada para poder manter unha boa saúde tanto no teu día a día, como no futuro. O dito es o que comes é moi certa. A comida que inxeres inflúe directamente no teu sistema inmunitario, no teu estado de ánimo, na túa enerxía e, como non, no teu físico tamén. Así que comer san no só é cuestión de moda, e tamén de saúde” .

Como complemento a charla fixemos unha pequeña exposición có material bibliográfico relacionado.

Moitas grazas Lucas, desexamos que a mensaxe chegue a moitas máis bibliotecas.

Anxo Fariña asistiu a B.M da Coruña ” Sagrada Familia” para falarnos do que é o Mindfulness e cómo aplicalo á vida cotiá utilizando a ilustración.

Iniciamos o taller cunha mini escenificación do achado dun cadáver na biblioteca e coa recollida de mostras biolóxicas polos participantes.

A continuación empezan as pescudas e o proceso de investigación, seguindo paso a paso as instruccións do monitor para poder extraer o ADN  e dar co culpable.

Os nenos/as aprenderon como se pode coñecer a ciencia dun xeito distinto grazas os coñecementos de Manuel Vicente García.

Tarde didáctica, entretida e divertida.

Na tarde do 22 de setembro, na Biblioteca Pública de Moeche, Olga Abad fixo as delicias dun numeroso grupo de persoas da terceira idade que, acompañadas de varios nenos, confeccionaron as figuras dunha historia galega moi antigua coas que logo fixeron a representación con sombras chinesas.

Diversión, manualidades e posta en valor do patrimonio cultural galego para un grupo variopinto cunha actividade orixinal.

Paco Nogueiras fíxonos pasar unha tarde moi, moi divertida na biblioteca. Cantamos, bailamos e brincamos ao son de diferentes ritmos e instrumentos.

Como non, Paco Nogeueiras viña acompañado da súa “amiga” Máquina. Para quen non a coñeza recomendámosvos que levedes á vosa biblioteca esta actividade musical do Brinca Vai! De aquí a acolá. Vaivos encantar!

Nenas e nenos de todas as idades e as súas familias interactuaron a ritmo de rock, reggae ou rap, sen esquecer o tradicional.

Cancións que percorren as distintas festas do ano, o Magosto, o Entroido, o Samaín… Tamén os xogos, a amizade, a naturaza, o idioma ou a lectura.

Esta actividade de seguro que nos vai facilitar o préstamo do fondo de música infantil da biblioteca, pois deixa un pouso de entusiasmo musical que se contaxia.

En resumo, xenial. Para repetir en calquer momento.

Grazas á coloboración co programa de animación á lectura nas bibliotecas “Ler conta moito”, o mércores 31 de maio fixemos Un paseo pola música negra da man de Black Galicia: Iria Mejuto á voz e Richi Rozas á guitarra, na Biblioteca Municipal Os Rosales. Con este concerto didáctico puxemos fin á nosa particular Primavera Literaria 2017 e dedicámosllo ás nosas lectoras dos clubs de lectura Café con libros, como remate deste curso 2016-2017.

A posta en escena e a voz de Iria Mejuto resultou unha agradabilísima sorpresa para as nosas usuarias, que pensan repetir experiencia alá onde toquen tantas e tantas músicas marabillosas. Todos os libros que se presentaron e do que se leron fragmentos serán dos máis prestados na Biblioteca este verán!