Con motivo do Día da Biblioteca o pasado sábado 21 de outubro 15 rapaces e rapazas puideron gozar deste obradoiro no que cada un, aprendendo distintas técnicas de pregado de papel, elaboraron cadanseu libro pop-up.

Con este obradoiro no que os rapaces e rapazas que participaron elaboraron o seu propio libro despregable celebramos o Día da Bibloteca o pasado venres 20 de outubro. Con diferentes técnicas de pregados de papel elaboraron fermosos libros pop-up.

Foi un pracer recibir o xoves 19  na Biblioteca da Pobra do Brollón á poeta Yolanda Castaño, recentemente galardoada co Premio Nacional de Poesía. Castaño falou dos seus inicios na escritura e dos obstáculos que atopou como muller ao comezar a súa carreira con tan só 17 anos ata posicionar na actualidade a poesía en galego na escena internacional. A charla rematou recitando poemas do seu último libro “Materia”

Mañá de risas, bailes e cancións cos Contos para caghar patatillas de Brais das Hortas!! Que ben o pasamos tanto os peques coma os maiores!!

Estefanía García Cabanas (Fanny Medioambiente) levou a cabo un obradoiro científico orientado á microbioloxía cun microscopio, auga e pouco máis, despertando a curiosidade e o interese dos alumnos/as do 3º ciclo de primaria do CEIP San Ramón de Moeche, que coñeceron máis de cerca as células, microorganismos e outros elementos microscópicos, así como curiosidades científicas que chamaron a súa atención.

Este venres 20 de outubro para conmemorar o día das bibliotecas, na biblioteca municipal de Ponteceso amenizamos a tarde dos máis pequenos ,e dos xa non tan pequenos, cunha sesión de títeres coa representación do clásico O traxe novo do rei. Unha actividade moi bonita na que as familias desfrutaron e participaron da actividade.

Actividade para o alumnado de 6º de E. Primaria do CPI de Pontecesures impartida por Andrea Jamardo Seijo, da editorial Cuarto de inverno que de xeito ameno explica a viaxe dunha obra literaria dende que é unha idea ata que chega ao lector

Este foi un evento a medias entre os contos e a experiencia, pois as familias puideron escoitar contos de abellas ó tempo que tomaron contacto, literalmente, coas abellas e o seu mundo.
Houbo tamén cousas como colmeas ou cera para que os participantes coñezan de primeira man a marabilloso mun

Abellas!

do das abellas e a apicultura. Axudou a Avelino, Mari Fé Sixto coñecida e aprezada apicultora

do Valadouro.

O pasado venres a Biblioteca Municipal de Quiroga, contando coa colaboración do CEIP de Quiroga, conmemorou esta data con Xabier Blanco e Martina Ferradás da Fundación Legar. Foi un pracer tanto para os nenos/as como para a organización contar con estes grandes profesionais que combinan maxistralmente a palabra, a voz e a música de raíz.