Raquel Galavís achegou ata a biblioteca municipal do Grove o seu espectáculo Cantacontos, onde a narración oral ía acompañada da proxección de imaxes e a música dunha guitarra en directo.

Durante a narración dos tres contos, Raquel interactuóu co público asistente, que cantou e bailou e axudou a desenvolver episodios das historias.

Ao final todos os nenos e nenas, así como as nais e país asistentes, cantaron e bailaron xuntos ao ritmo da música da Tarara. En definitiva, unha divertidísima tarde de venres na biblioteca do Grove.

Divertida actividade levada a cabo por Viravolta Títeres  na biblioteca pública de Oroso, donde os máis pequenos disfrutaron aprendendo a facer marionetas con papeis de diversos cores e que puideron levar á súa casa.

       Neste obradoiro cada un dos participante elaborou un retrato do autor homenaxeado no Día das Letras Galegas.

Os retratos de Díaz Castro quedaron expostos a modo de mural na sala infantil da biblioteca para dar a coñecer e recordar ó poeta chairego

Este xoves 15 de maio para celebrar as letras galegas veu a celebralas con nos MAGIN BLANCO un dos bos cantantes e compositores que temos para nenos e maiores en Galicia. Disfrutamos dun percorrido polos seus discos editados e nos agasallou con cancións dos próximos traballos. Un pracer escoitalo e comprobar que ten moitos seguidores, entre eles os bibliotecarios/as como Don Ramón que inicia o seu último traballo.

O poeta e narrador Xesús Manuel Valcárcel López visitou a nosa biblioteca para falarnos de Xosé María Díaz Castro. Grazas a el aprendimos a valorar aínda  máis a figura deste poeta lugués.

Onte Xoves 15 de Maio ás 13:00 horas na Sala de Lectura de BIBLIOPAZOS celebramos o DÍA DAS LETRAS GALEGAS, coa sesión de contacontos “O misterio do pirata Benito Soto” a cargo de Enrique Mauricio e Carlos Taboada de Polo Correo do Vento.

Unha historia de misterios que mestura a oralidade coa ilustración e que rematou cun obradoiro de debuxo de temática pirata.

Este foi o resultado.

A compañía Elefante Elegante representou na Biblioteca Municipal de Lugo, “Lobo bobo”. Con este contacontos os nenos e nenas asistentes coñeceron aspectos sorprendentes e divertidos dos personaxes dos contos máis coñecidos como Bracaneves, Carapuchiña Vermella ou os Tres cerditos.

Este ano quixemos celebrar o día das Letras Galegas coa Asociación Musical Musicreques A súa actividade, “As aventuras de Quebranoces” resultou amena, divertida e moi didáctica. A beleza da música e dos monicreques cautivou a nenos e maiores e a tarde do sábado resultou todo un éxito.

O contacontos chantadino Anxo Moure, subido nun triciclo alemán con dous teatriños de títeres e cargado con monicreques tecidos polas cooperativas de mulleres do comercio xusto en Bangladesh, sorprendeunos cos seus contos solidarios en Baio (Zas) o pasado mércores 14 de maio