O mércores 9 de setembro tivemos o pracer de escoitar a Sole Felloza coa súa proposta de igualdade.

Desde os seus recordos de infancia ata as aventuras de Iria, o espantallo, a ra…para mostrarnos que todos debemos respetar ós demais e loitar polos nosos sonos.

Foi unha sesión moi divertida e gustou tanto a maiores coma a pequenos. Mantendo as normas de seguridade, debemos seguir a disfrutar dos nosos narradores. Porque tod@s necesitamos contos!

Gracias Sole.

O xoves 24 de outubro, Antía Yáñez estivo na Biblioteca de Portonovo para compartir con nos a súa proposta feminista.

Unha actividade moi interesante para descubrir ás mulleres que fixeron historia en Galicia e que non son visibles ás veces.

Figuras coma Exeria, a raíña Urraca, Emilia Pardo Bazán, Concepción Arenal, Elisa e Marcela… mulleres que forman parte da nosa identidade e non sempre no lugar que lles correspondería.

O luns 7 de outubro, Pedro Brandariz achegouse á Biblioteca de Portonovo para compartir con nós a súa proposta de Igualdade.

Tanto os maiores coma os cativos estiveron atentos, entretenidos, e bastante participativos tamén.

Temos que rachar cos estereotipos, e Pedro Brandariz puxo enriba da mesa o uso da cor rosa nas nenas e o seu rexeito por parte dos nenos: todos somos libres para poñer as cores que nos fagan sentir ben!

O xoves 12 de setembro tivemos unha actividade na Biblioteca de Portonovo para celebrar o comezo do curso escolar. Antía Yáñez veu coa súa proposta para que os nenos e nenas coñecesen máis a biblioteca da súa contorna.

A actividade desenrolouse moi áxilmente e participaron 19 nenos e nenas, fixeron as súas búsquedas e atoparon o tesouro.

Onte martes, tivemos a sorte de ter a Raquel Queizás na Biblioteca e desfrutar da súa proposta de igualdade, enmarcada dentro do programa de promover a igualdade e loitar contra a violencia de xénero.

Foron máis de sesenta cativos e cativas os que se achegaron á Biblioteca de Portonovo para participar nesta actividade. Porque ademáis de desfrutar e axudar, actuaron e riron con ganas, protestaron e cantaron… todo para comprobar que os homes e as mulleres somos iguais.

Da man de Queliña viaxamos para correr aventuras e contar historias, e demostrar que somos iguais de valentes e sensibles.

Unha proposta moi boa de Raquel que fixo as delicias dos cativos, pero tamén dos maiores que se achegaron, ou dos que por alí pasaban.

Ó remate da sesión os rapaces do PaiFill@Nai quixeron darlle as grazas cunha aperta grupal.

Agradecer a Raquel Queizás a súa visita á Biblioteca de Portonovo. Foi un pracer!

Día 19 de outubro de 2018 das 10 da mañá ata case a medianoite, na biblioteca de Escairón

Na Biblioteca Pública Municipal do Saviñao, despois do éxito acadado nas catro edicións anteriores, volveremos adiantar o Día da Biblioteca e celebrar o Día da Biblioteca – Noite na Biblioteca, con actividades de moi diverso contido, empezando con visitas escolares ó longo de toda a mañá e non rematando ata case a medianoite.

Este ano acompañáronnos o autor e intérprete Daniel Blanco Chapela de ThemomentoImpro e a narradora Fátima Fernández (ámbolos dous do repertorio do programa Ler conta moito), que visitaron a Biblioteca cun obradoiro teatral a partir de 10 anos e cunha sesión de contos para toda a familia.

Visitáronnos os estudantes de 4º e 5º de Infantil, que aprenderon onde están os libros axeitados á súa idade e como poden lelos ou levalos para a casa. Ademais, os de 5º e 6º de Primaria, aprenderon que, ás veces, nos podemos atopar con libros obsoletos, que conteñen datos incorrectos ou que están en mal estado, polo que despois de escoitar que se poden retirar da biblioteca, axudáronnos a seleccionar de entre algúns dos que tiñamos listos para retirar, aqueles que na súa opinión SI debemos retirar e aqueles que NON. Sorprendentemente, houbo algún bastante deteriorado que recibiu o seu indulto porque é moi divertido, tén debuxos moi bonitos e ademais pode axudar ós máis pequenos a aprender. Algún, aínda que está moi chulo, está demasiado vello e roto, polo que non queda máis remedio que retiralo. Grazas por axudar á biblioteca coa difícil tarefa de expurgo (que é como se chama a esta retirada de libros), pois a opinión dos principais destinatarios dos libros que analizamos é moi importante.

Despois das visitas guiadas do mediodía, ás 17:00, xusto antes de empezar cos obradoiros de tsumami e de imrovisación teatral de Daniel Blanco, tivemos videoconferencia con Loli, a nosa querida monitora de origami desde Escairón a Kioto (Xapón).

Logo da merenda, continuou o obradoiro teatral e tivemos contacontos cunha eiruga moi larpeira, que rematou cun obradoiro de manualidades e un xogo de mesa.

Cando ás 21:00 chegou Fátima Fernández cos seus contos quedamos todos e todas coas bocas e as orellas moi abertas, menudas cousas que nos contou! Superxenial e megafantástico ou megaxenial e superfantástico, en palabras dalgúns participantes.

Despois de cear unhas deliciosas pizzas, adentrámonos no mundo de Harry Potter e o quidditch establecendo un torneo entre todas as casas de Hogwarts.

Rematamos a festa case á medianoite coa promesa de volver á biblioteca atopar novos misterios, aventuras e sorpresas.

Como vén sendo costume, pais e nais tiñan máis ganas de ir durmir que os máis pequenos da casa.

Esperamos que o pasarades ben e que sigades con ganas de visitar a vosa biblio. Nós xa estamos pensando como celebralo o próximo ano.

Agradecemos de corazón a vosa participación nas actividades e esperamos que o pasarades moi, moi ben.

Na Biblioteca Pública Municipal de Poio celebramos o Día do Libro aprendendo con Estefanía Padullés a converter as nosas historias nun álbum ilustrado. Primeiro os nenos e nenas escoitaron a historia dun galo que tiña que espertar ao sol e debuxaron unha chea de animaís e lugares para inspirarse, e remataron a tarde creando os seus propios personaxes e ilustrando a súa propia historia.

Día 20 de outubro de 2017 das 10 da mañá ata a medianoite, na biblioteca de Escairón

O día 24 celébrase o Día da Biblioteca, e na biblioteca, debido ó éxito acadado en anteriores edicións (esta é a cuarta), decidimos adiantar a celebración ó venres e non pechar en todo o día. Así tivemos actividades de moi diverso contido, empezando con visitas escolares ó longo de toda a mañá e non rematando ata a medianoite.

Ás 10:00 chegou o primeiro dos grupos escolares (4º, 5º e 6º de Infantil do colexio de Escairón) e ás 11:15 chegou o grupo da Escola Infantil Municipal,  que viñeron coñecer a biblioteca e que se entretiveron e divertiron cos contos prohibidos Hola, cartero, Pezzettino ou Soy el más guapo.

Ás 12:00 chegaron os alumnos de 1º, 2º e 3º de Primaria e ás 12:45 os de 4º, 5º e 6º de Primaria, que despois de repasar o aprendido sobre O Saviñao na visita do ano pasado (fixemos exame e non se libraron tampouco os profes, que xa están avisados para a próxima), continuaron vendo como é que un libro pasa a formar parte do fondo da biblioteca e se pón a disposición do público: como lle poñemos o identificador de código de barras para facer o empréstito no novo Sistema de Xestión Bibliotecaria. Por grupos, identificamos e etiquetamos varios libros da sección xuvenil, que xa están colocados onde lles corresponde. Ademais aproveitamos para recordar que había máis actividades pola tarde.

De 14:00 a 17:00 reservamos tempo para as visitas guiadas á biblioteca.

Ás 17:00 a nosa primeira sesión “oficial” de Contos Prohibidos da tarde, na que cada quen mirou e remirou os títulos que temos dispoñibles.

Ás 18:30 (despois da merenda) coñecemos A superavoa de Antón da Organización Meu Rei (que colabora coa Fundación Meniños de Galicia)(a partir de 3 anos e público familiar), que rematamos cun obradoiro artístico. Un breve resumo é este:

Toda a tarde estivo chea de contos, moitos deles que foron prohibidos. No obradoiro d’A superavoa de Antón, creamos unha chea de personaxes en pedra entre a hora da merenda e a da cea!

Ás 19:30 a segunda sesión sesión “oficial” de Contos Prohibidos durante a que vimos novamente Hola, cartero, Orellas de bolboreta, e outros varios que representamos por grupos: Pezzettino (en italiano), Mi perrito quiere bailar ballet, ou Soy el más guapo.

Ás 20:30 Xogos por equipos e unha apetitosa cea para que a fame non acabara coas ganas de diversión.

Ás 22:00 vimos que As cousas pequenas contan (do repertorio do programa Ler conta moito). Con el soubemos que calquera obxecto nos pode servir para crear personaxes e inventar historias. Coas historias inventadas durante o obradoiro fixemos un precioso conto!

A partir das 23:00 relaxámonos con música e baile, e non faltou o karaoke!

As cousas pequenas contan leváronnos a inventar personaxes e historias, coas que se fixo un libriño que podedes atopar na biblioteca. Rematamos con baile e karaoke.

A medianoite despedímonos con poucas ganas de marchar para a casa.

Esperamos que o pasarades moi ben e que sigades con ganas de visitar a vosa biblio. Nós xa estamos pensando a ver como o celebramos o ano que vén.

Agradecemos de corazón a participación nas actividades e alegrámonos de que o pasarades tan ben que non quixerades marchar para a casa.

Na Biblioteca Municipal Infantil e Xuvenil da Coruña, celebramos o Día Internacional do Libro Infantil e Xuvenil recordando a figura dunha das artistas máis sobranceiras da vangarda artística do surrealismo español, a galega Maruja Mallo.

Obradoiro Arte nos Libros! Maruja Mallo

Fixemos un taller da man de Jose Luis Cousillas García, de Crearte Servizos Culturais, coa figura de Maruja como fío condutor, e como a arte, e sobre todo a arte surrealista, tamén está recollida e representada nos libros.

A vida de Maruja Mallo está chea de grandes aventuras, viaxes, as amizades que mantivo con por exemplo Dalí, Miró, etc… Unha muller afoutada, sen límites para a súa libertade, e que defendía o papel da muller en todos os ámbitos da vida. E con moita sorpresa e ledicia comprobamos o grande coñecemento que os participantes tiñan dela.

A parte artística, logo de repasar a súa obra e de falar dos temas que lle gustaban, as paletas empregadas, e as composicións das súas obras, consistíu en afondar nese imaxinario coa interpretación propia de cada neno. Uns artistas!!, e un bó comezo para rematar na casa e adornar a habitación de cada quen.

Obradoiro Arte nos Libros! Maruja Mallo

Día 21 de outubro de 2016 das 10 da mañá ata á medianoite, na biblioteca de Escairón

O día 24 celébrase o Día da Biblioteca, e na biblioteca, debido ó éxito acadado en anteriores edicións, decidimos adiantar a celebración ó venres e non pechar en todo o día. Así tivemos actividades de moi diverso contido, empezando con visitas escolares ó longo de toda a mañá e non rematando ata pasada a medianoite.

Ás 10:15 chegou o primeiro dos grupos escolares (4º, 5º e 6º de Infantil do colexio de Escairón) e ás 11:15 o grupo da Escola Infantil Municipal,  que viñeron coñecer a biblioteca e que se entretiveron e divertiron cos contos A toupiña que quería saber quen lle fixera aquilo na cabeza, La princesa y la cerdita e Hay un cocodrilo debajo de mi cama.

Ás 12:15 chegaron os alumnos de 5º e 6º de Primaria, que despois de repasar o aprendido sobre O Saviñao na visita do ano pasado, continuaros vendo como é que un libro pasa a formar parte do fondo da biblioteca e se pón a disposición do público: como se atopa un libro a través da información contida na etiqueta. Etiquetamos varios libros que xa están colocados onde lles corresponde, a maior parte deles pertencen á colección Clásicos español-inglés=Classics Spanish-English. Ademais aproveitamos para invitalos a participar nas actividades da tarde.

Desde antes das 16:00, en que comezaba o obradoiro de debuxo, había participantes agardando por el.

Ás 17:00 o noso habitual obradoiro de origami, no que fixemos un cabalo saltarín e galopín e máis un lazo.

Ás 18:30 (despois da merenda) comezamos cos obradoiros científicos:  a sesión de A Ciencia divertida con Nita (do repertorio do programa Ler conta moito) e obradoiro de Fibonacci.

Escoitamos o conto do globo vermello e fixemos varios experimentos con globos. Logo o conto da Estreliña e fixemos máis experimentos relacionados: como facer estrelas e unha lámpara de lava fosoforescente. Foi sorprendente e moi divertido.

Ás 20:30 concurso colaborativo por equipos con preguntas e probas para conseguir os materiais para o último obradoiro da noite (o dos selos de goma eva).

Ás 22:00 logo dunha apetitosa cea, para que a fame non acabara coas ganas de diversión, saímos buscar á rúa a Anxo Moure que veu participar na nosa festa coa súa Titiricleta (tamén do repertorio do programa Ler conta moito). Con el soubemos da guerra, da paz, da solidariedade e divertímonos paseando na súa orixinal titiricleta.

Ás 23:00 relaxámonos un pouco co obradoiro de selos de goma eva. Gustounos tanto como quedaron que decidimos incluír na nosa cápsula do tempo unha representación dos máis bonitos dos nosos selos!

Da man de Anxo Moure escoitamos contos solidarios e xogamos coa súa titiricleta: títeres, personaxes dos contos e paseos na bicicleta: como condutores ou como pasaxeiros. Foi moi divertido e non podía o sono con nós a estas horas!

Pasada a medianoite (coma sempre, rematando máis tarde do previsto) pechamos a nosa cápsula do tempo cunha conta atrás. Aínda que non foi o peche definitivo porque aínda faltaba incluír fotos das actividades, celebrámolo moito.

Agora queda esperar ata o ano 2025 para abrir esta cápsula de recordos e sorprendernos coas cousas que nos chamaron a atención. Pero a biblioteca segue aberta para todos os que participamos nesta xornada especial, para as súas amizades, familias e coñecidos.

Esperamos que o pasarades moi ben e qeu sigades vindo pola vosa biblio. Nós xa estamos pensando a ver como o celebramos o ano que vén.