O venres, día seis de xullo, o músico Manoele de Felisa fixo as delicias dos asistentes á Biblioteca Pública Municipal de Moeche, que foron, na súa mayoría, os componentes do Obradoiro de Memoria que celebraban o remate do curso, ademáis doutros espectadores que se achegaron por alí.

A poesía de autores galegos como Rosalía, Castelao, Neira Vilas e outros cobrou vida na voz e música do cantautor galego.

Unha tarde para recordar.

Iria Mejuto fascina coa súa voz. Deixa abraiado a quen a escoita. Voz e interpretación.

“Soul e literatura, un paseo, entre liñas, pola música negra” é un espectáculo musical que compaxina música e literatura. Unha coidada selección musical interpretada en directo e que vai intercalando con lecturas de textos de diversa índole, pero co común denominador da música.

Iria, acompañada polo magnífico guitarrista Richi Rozas,  reinterpreta grandes éxitos da música negra. É precisamente unha auténtica posta en valor da cultura negra e as súas influencias no momento actual.

Moi recomendable para realizar na biblioteca. Para difundir o fondo musical que contén e para espertar sensibilidades diversas. A partir desta actividade pódese potenciar a poesía, tan ligada á música, ou un paseo pola novela con referencias musicais…

A música en vivo na biblioteca é unha experiencia para repetir.

Radio Bulebule, a radio itinerante de Paco Nogueiras, retransmitiu onte dende Carnota.

Grandísimo espectáculo de orixinal formato, baseado no libro-disco editado por Kalandraka e inspirado no marabilloso mundo da radio.

O pasado 27 de xuño visitounos na Biblioteca de Riotorto,  Manuel Solla Barragáns, co seu espectáculo “A Maxia dos Contos”.

Os nenos e nenas que acudiron disfrutaron deste espectáculo de animación á lectura, con maxia, contos, monicreques e adiviñas no cal houbo participación do público de forma moi divertida.

O contacontos introduciunos no mundo máxico dos contos coa axuda dunha maleta máxica e da man dos seres fantásticos que nela habitan.

O venres pasado as familias de A Illa pasaron unha tarde inesquecible na Biblioteca Municipal acompañadas por Gloria Mosquera e María Lires, que narraron, ilustraron e deron música ás historias que alí contaron.

Con Historias de Papel, os nenos e nenas e as súas familias disfrutaron dunha tarde moi agradable.

Payaso Piruleta@Cía. achegaron a poesía de Gloria Fuertes coa biblioteca máxica de Don Renato nunha actuación de teatro, música, maxia, circo, malabares, e baile que conquistaron aos nenos, nenas e familias.

A música e os contos son unha combinación perfecta para animar a todos os asistentes. 

A actividade Cantamos un conto? de Luís Vallecillo, chegou á Biblioteca Municipal de Lugo e confirmounos que aos nosos lectores encántanlles os contos e máis cando estes chegan acompañados de música.

O domingo 24 de xuño ás 21:00h. no concello de Vilanova de Arousa, estivo o payaso Popín, facendo as ledicias de todos os nen@s asistentes.

CARTEL

O pasado 9 de xuño, sábado, día chuvioso e gris, ás 18:30 h. xurdía luz, cor e música de mans de Migallas Teatro, co seu espectáculo Canta connosco!, e de innumerables amig@s de todalas idades que se reuniron para unha entrañable conmemoración dentro deste ano do 50 aniversario das bibliotecas de Redondela: a mascota das mesmas, Leolo o Contadelo, cumpría 10 anos de vida.

Un espectáculo dirixido aos nenos e ao público familiar, no que se combinaron as cancións co teatro,  e no que gozamos todos