O día 29 tivemos a sorte de gozar do espectáculo Por que é salgada a auga do mar? na nosa biblioteca.

A través de dous investigadores, transformados en personaxes dunha historia, explicáronlles aos nenos e nenas cal era a orixe da sal do mar, situándoa nunha vella historia acontecida no lugar onde agora está a nosa biblioteca, hai moitos anos.

A actuación rematou cun percorrido polo xardín, onde os rapaces e rapazas perseguiron a varias criaturas mariñas, unha raia, un cabaliño de mar…

Cunha puntualidade  impecable e moita expectación por parte do noso público participante comezou este obradoiro. O seu nome, “Coas mans na masa”, é ben acaído, pois niso mesmo consistiu a actividade.

Primeiro se leu o conto “Maruxa” de Eva Mejuto, e despois  a proposta foi facer con figuras de masa de pan os personaxes do conto.  Traballouse arreo amasando, e logo de acadar a textura axeitada,  as figuras foron aparecendo sobre unhas bandexiñas de cartón. Remataron coloreando figuras e bandexas.  Resultado  fenomenal para unha actividade que mestura animación á lectura, psicomotricidade fina, e formación plástica.

Este luns, 26 de setembro, tivemos con nós a Vicente Mohedano con “Cando o sol se deita”. Un show de divulgación científica, dirixido a rapazada entre 7 e 12 anos, no cal aprendimos moito sobre a luz, as cores e os ollos e sobre todo divertímonos xogando e aprendendo.

O venres, 23 de  setembro, contamos coa visita da Compañía Elefante Elegante e o seu espectáculo “ O Xigante” creado a partir do conto de Oscar Wilde. A sesión transcorreu da man dun gran profesional, tanto da narración coma do teatro xestual. A constante presenza da música, axudado  polo atrezo variado fixo a ledicia dos asistentes.

Tanto os nenos e nenas coma os adultos ficaron engaiolados co que estaban vendo.

Tarde de venres para lembrar e repetir.

 «Rosa non é unha cor», unha actividade con “Cris de Caldas” na que se mesturaron os contos cos traballos manuais para falarnos de igualdade e respecto.

(Picar na imaxe para acceder ás fotografías)

Guardar

Guardar

Que sería do gato con botas sen as botas, de Cinsenta sen o zapato de cristal, se os trasnos non lle fixesen zapatos ao zapateiro… Sería posible o mundo dos contos que todos coñecemos se non houbese zapatos?

O mércores, 21 de setembro, a Biblioteca de Santa Cruz de Oleiros encheuse de maxia, de diversión e de boas lecturas.

Xogos e Maxia na Bilioteca Rosalía De Castro De Santa Cruz

O Mago Paco conseguiu que o público asistente se mostrase entusiasmado e participativo en todo momento, conseguindo crear momentos de sorpresa durante os trucos de maxia, de auténtica diversión durante os xogos e de atención nas narracións dos contos.

Lilí Gruyère é unha ratiña de biblioteca  á que lle encantan os contos. O pasado venres chegou a Carnota dende Lonxedetodo para contarnos historias coma a de Lucía Cotriñas ou O Coelliño Branco, un monicreque moi tenro que sorprendeu o público con divertidos trucos de maxia.  Para rematar, coa axuda da gran Lilí, nenos/as e adultos/as dramatizaron maxistralmente o célebre conto de Xosé Ballesteros.

  Este luns 8 de agosto tivemos na biblioteca municipal Sagrada Familia o pracer de contar co ilusrador Xosé Tomás que impartiu o  Obradoiro de banda deseñada Coñécete a través dos cuadriños

As persoas asistentes crearon durante dúas horas persoaxes baseados no seu entorno, inventando guións sobre a súa vida e contando a súa propia historia entre as viñetas.

O pasado venres, 5 de agosto, o Mago Paco visitou a Axencia de Lectura Municipal de Carnota con Divermaxia, un espectáculo de A Illa d@s nen@, do máis dinámico e interactivo, que mestura narración oral, xogos e ilusionismo con grandes doses humor. Sen dúbida, recomendable. Que ben o pasamos!