Onte día 7 de outubro, visitou a Biblioteca de O Froxel de Arteixo, Antón Ke, presentando “A Gaita Galega”.
Actividade baseada na obra “A gaita galega” de Xoan Manuel Pintos, na que por medio dun conto adaptado da obra e poemas musicados ao ukelele reflexionou cos cativos sobre a importancia do uso da nosa lingua.
O martes, 7 de outubro, desfrutamos con “1 mar de cores” dunha sesión de contacontos e obradoiro sensorial que encantou ás familias de Oleiros.
Un agradable estímulo para os sentidos que puxo en valor en todo momento a nosa relación co medio natural.
Na Biblioteca Municipal de Dorneda aconteceu un obradoiro “Da árbore ao libro” da man de Cuarto de inverno, o día 6 de outubro ás 17:30 h., no que nenos e nenas disfrutaron confeccionando un libro partindo de cero, coa súa cuberta e libriño debidamente decorados. Martín, o monitor encargado da actividade, explicoulles a todos, con anterioridade, un pouco a historia de cómo se fai un libro e de tódolos responsables do proceso. Os rapaces quedaron contentos co resultado e entenderon moi ben a explicación de Martín. Todos se foron felices para casa despois de pasar un anaco educativo, divertido e agradable.
A Compañía Trémola Teatro presentounos a actividade “VAMOS AO RECREO“, compartindo con nós a historia de Sara,unha rapaza que revolucionou o patio. Unha mañana chea de bailes e risas ! Porque no recreo sempre ocorren as aventuras divertidas.
Onte, venres 3 de outubro, a artista Noelia Porto de Lalá Teatro visitou a vila de Sarria co seu espectáculo “Eu quero ser” co que coñecemos diferentes profesións a través de xogos, contos e cancións. Encantounos a historia de Lúa, a protagonista…agora ámbalas dúas son as nosas amigas!
Na tarde de onte na B.P.M. de Fene, tanto nenos/as como pais e nais, gozaron duha historia que comeza cun grande desgusto da galiña Xosefina, cando ésta se decata de que na casa de Pepe se usan ovos para facer tortillas; pero nada que non teña solución grazas á axuda da súa amiga a pata. Unha historia na que se traballa a amizade e a empatía.
O pasado martes 30, a Biblioteca Municipal Os Templarios (O Temple – Cambre) acolleu o divertido contacontos musical “Cambia o conto“, a cargo de Música Miúda.
O día 1 de outubro visitounos Betty Queiro coa súa actividade Podes atopar o teu camiño. You can find your way.
Nela cantou e contou unha historia en galego e en inglés, acompañada por Carmen no teclado, na que se puxo en valor a colaboración e se fomentou a creatividade da rapazada.
Onte día 30 de setembro, visitou a Biblioteca de O Froxel de Arteixo, “A Fada Diana” da man de Ariadna Santana. Cun gran despregamento escénico, foron aparecendo personaxes en forma de animais, cunha temática baseada no reciclaxe e a fada diana liderando unha aventura como auténtica salvadora do mundo, acompañada de baile e canticos que fixeron gozar aos usuarios que participaron nalgúns dos contos.
O martes, 30 de setembro, Ramón ensinounos a crear os nosos propios xogos malabares. Pasámolo moi ben e descubrimos que é unha actividade que, ademais de ser moi divertida, fomenta a paciencia, a superación persoal e promove a socialización.
Séguenos