Onte puidemos desfrutar da man de Títeres Babaluva dun espectáculo de monicreques. Con eles navegamos a través de dúas historias vinculadas ao mar, tratando a importancia do seu coidado á vez que se promovían valores como a amizade ou o respecto. Puidemos, así, achegarnos dunha forma lúdica ao coñecemento de diferentes especies do noso mar á vez que descubrimos cancións do cancioneiro galego tan ligado ao mesmo. Unha tarde moi divertida que nos permitiu incluso probar como manipular os diferentes protagonistas e aproximarnos o seu proceso de creación!

A biblioteca pública municipal de Rois contou cun fermoso taller familiar para a creación libre de bonecas de trapo.

Pais, nais, nenos e nenas gozaron conxuntamente dunha tarde inesquecible e levaron os seus traballos para casa con moitísima ilusión!

Onte Avelino González achegou o mundo dos paxaros aos residentes do Centro de Atención a Persoas Maiores de Ortigueira.

Cando xuntamos a maxia dos contos coa maxia do Mago Paco surxe a palabra IMAXINACIÓN.

Unha marabillosa maña do mes de xuño que os 31 nenos e nenas do CEIP de Bemantes (Miño) e do CEIP de Torres (Vilarmaior) e as súas         maestras compartiron co Mago Paco que fixo as delizas de grandes e pequenos, con moito conto e moita maxia.

Na tarde do 27 de Maio, visitounos Paco Nogueiras na Biblioteca de Vilalonga. Ofreceunos un  concerto con cancións, animacións e bailes moi divertidos. Empregou diferentes estilos que foron  dende o techno ao rock, pasando polo reggae e a música electrónica. A través das cancións fixo un repaso polas estacións do ano, da natureza, da amizade, xogos e celebracións populares, destacando a festas como o Entroido, o Magosto, o Samaín ou o Nadal. Así mediante estes ritmos, achegou aos nenos as nosas tradicións.

.

O pasado venres Pakolas visitou a biblioteca municipal de Caldas de Reis co seu espectáculo Ecoralia, a lambona ecolóxica. Unha tarde onde os rapaces, entre cancións e contos, pasárono en grande e aprenderon a ser un pouco máis respetuosos co medio ambiente. Unha tarde de festa na biblioteca!

O venres 6 de xuño tivo lugar o “Obradoiro de Títeres de Calcetín” na Biblioteca Municipal de Abegondo.

Foi unha tarde moi entretida ca realización cada neno e nena dun títere xunto cos seus pais. Unha actividade conxunta, que rematou cunha chea de títeres moi coloridos.

Interesante sesión na que Avelino presenta os diferentes tipos de paxaros segundo as plumas, a feitura e os trinos, enlazado con contos e cancións. Moi pedagóxico e entretido.

O pasado, 5 de xuño, Joshua Kenneth presentounos na Biblioteca “Ler para crer”, un espectáculo, cheo de asombro, humor, que fixo disfrutar, e moito, ao público asistente.