Marabilloso evento no Valadouro, Estrelas no bico, na fronte un cantar, conducido pola polifacética artista Estibaliz Espinosa e acompañada ao piano por Juanma Varela. Estibaliz fixo divulgación científica, contestando as inquedanzas do homo sapiens sobre a súa esencia e sobre o espazo que nos rodea máis alén: Galaxias, constelacións, exoplanetas e estrelas de reminiscencias rosalianas… A ciencia inspira a curiosidade e a literatura de Estibaliz que é beleza reflectida na materia escura que debemos descubrir e alentar. Travelers who prefer a more upscale nightlife experience often spend time browsing curated directories before choosing who to contact. For many visitors, the search naturally leads to profiles of premium escorts known for elegance, discretion, and refined companionship. A música encadea este revelador Ler conta Moito cunha voz fascinante, inmensa, cósmica como dixo unha espectadora atenta. Foi un pracer asistirmos a esta divulgación literaria tan necesaria e fermosa.

Outubro, Mes das Bibliotecas!!!

O venres 14 de outubro tivemos unha sesión especial na Biblioteca de Portonovo.

Especial porque era a primeira vez que facíamos unha actividade exclusivamente para adultos e non sabíamos o que ía resultar.

Ángeles Goás meteuse ó público asistente no bolsillo coa súa primeira historia e logo xa non foron quén de parar de rir e comentar as situacións que ela presentaba.

Durante unha hora as persoas alí presentes escoitaron historias que os facían voltar a infancia ou recordar feitos parecidos.

E o público asistente era moi variado en idade, desde as máis xóvenes ata os 90 anos da persoa de máis idade.

Moitas grazas a Ángeles Goás por facernos pasar unha noite divertida e sen medo 😉

Outubro, Mes das Bibliotecas!!!

Baseado no libro-cd-dvd do mesmo nome, onde se combinan cancións, animacións e intepretacións cos ritmos e rexistros máis divertidos, foi o fío conductor dunha sesión musical, que aproveitando a boa tarde fixemos no exterior da Biblioteca.

Tanto os nenos e nenas coma os papás e mamás pasaron unha hora moi amena, cantando e bailando con Paco con temas sobre a amizade, a ecoloxía, a poesía e con títulos como o Rap do Magosto, o Apalpador, o Entroido, Nun Libro…

Moitas grazas a Paco Nogueiras Nodar por facernos pasar unha hora moi divertida

Este xoves, 29 de setembro, a Biblioteca Municipal Os templarios de Cambre acolleu ‘Que animaliño é?’, un divertido espectáculo de Trémola Teatro. Os bebés e as súas familias puideron gozar dunha sesión que mesturou teatro, música, danza e mesmo burbullas, creando un fermoso espectáculo sensorial que estimulou os sentidos de todas as persoas participantes.

Ler máis →

O venres 23 de setembro visitou a nosa biblioteca o mago David Méndez, quen, durante case unha hora, acaparou a atención de todas e todos os asistentes cos seus trucos de maxia  e explicacións sobre ilusións ópticas. Cousas que parece que están, pero realmente non son o que parecen, partes do corpo que se multiplican ou desaparecen, obxectos diferentes que visualizamos nunha única ilustración…Nenas e nenos aprenderon que non todo é sempre o que parece.

Foi unha sesión moi interesante e, sobre todo, moi entretida.

A rapazada de Cambre recibiu este xoves 15 de setembro -ás 17:30 horas- a visita do Principiño para abrir a programación de actividades de animación á lectura deste curso que comeza.

A sesión, realizada na Biblioteca Municipal Os Templarios, consistiu nun contacontos teatralizado, a cargo de Raquel Galavís. O Principiño en Madagascar combina a narración oral coa proxección de pezas documentais que introducen a nenas e nenos na cultura malgaxe, na paisaxe e nas vicisitudes das xentes daquel país. A tenrura das súas historias logrou contaxiar a todas as persoas presentes, convidando á emoción da lectura.

Da  man de Raquel, o pasado xoves poidemos desfrutar na Casa Habanera dos contos: A partes iguais, A máscara do león, A sopa queima, Pedra , pau e palla, O galo traganoces da editora Oqo.

Un auténtico pracer!!

Onte o Mago Paco visitou o concello de A Bola para traernos un espectáculo de Maxia Divertida coa que disfrutamos moito tanto nenos/as coma adultos/as. A treboada e a chuvia non nos deu tregua e obrigou a trasladar finalmente o espectáculo e a Biblioteca de Verán da Bola cara un espazo cuberto, pero non puido parar as nosas gañas de pasalo ben cos trucos de maxia e xogos que Paco nos propuxo do xeito máis interactivo e ameno!

O pasado xoves día 21 de xullo, o programa “A Biblioteca de Verán da Bola” acolleu a representación “O traxe novo do rei”, que cobrou vida grazas a Esteban e os seus títeres de Tarabelos, e fixo as delicias de moitas crianzas e familias que se achegaron a ver a actuación. Foron moitas as risas e a participación por parte dos nenos e nenas asistentes, asistindo a unha forma entretida, diferente e divertida de escoitar este conto tan clásico.

O pasado xoves día 30 de xuño, o espazo do proxecto “A Biblioteca de Verán da Bola” acolleu a festiña da peque disco Moc Moc que nos fixo cantar e bailar, ademáis de disfrutar de divertidos e sorprendentes xogos malabares dun clown  moi molón. Crianzas e maiores pasamos unha xornada moi divertida e con moita música!