@s @s nen@s de 2º e 3º ciclos do colexio de Moeche coñeceron ás máis destacadas científicas galegas e os seus logros na investigación científica, ao tempo que se achegaron á ciencia por medio de curiosos experimentos que causaron o seu asombro e admiración.
Todo da man de Patricia, a monitora de eduvía, con coñecementos, amenidade e simpatía.
Día 20 de outubro de 2022 ás 11:30, biblioteca de Escairón
Seguimos celebrando o mes das bibliotecas coa actividade do programa Ler conta moito…
Falamos de arte?
da man de Dani e Iria
o 20 de outubro, ás 11:30 na biblioteca
Achegámonos á historia da arte desde a prehistoria ós nosos días pasando por Exipto, Grecia ou Roma.
Con sorpresa vimos que cousas que hoxe en día aínda semellan sorprendentes teñen moitos anos.
Rematamos cun xogo para demostrar canto aprendemos de arte!
Día 18 de outubro de 2022 ás 18:00, biblioteca de Escairón
Celebramos o mes das bibliotecas coa actividade do programa Ler conta moito…
da man de Andrea Barreira Freije
o 18 de outubro, ás 18:00 na biblioteca
Achegámonos á historia das mulleres na aviación.
Con Andrea aprendemos que un avión era compartido, porque era moi caro, e que ademais era raro que houbera mulleres pilotando un.
Ensaiamos equilibrio:
Despois de saber máis cousas de como era un avión na época de Amelia,fixemos os nosos avións de papel:
Despois de comprobar que voaban, personalizamos os nosos avións igual que facían os promeiros pilotos, incluso Amelia:
Unha actividade moi divertida porque os distintos modelos de avións voan distinto!
O dia 18 de outubro, Al Guanella tróuxonos a nosa Biblioteca, unha cadeliña chamada Tana, facendo o espectáculo teatral “CONVERSAS CON TANA”, baseado na ventriloquía, coa participación da rapazada e os maiores que disfrutaron moito desta actividade.
Marabilloso evento no Valadouro, Estrelas no bico, na fronte un cantar, conducido pola polifacética artista Estibaliz Espinosa e acompañada ao piano por Juanma Varela. Estibaliz fixo divulgación científica, contestando as inquedanzas do homo sapiens sobre a súa esencia e sobre o espazo que nos rodea máis alén: Galaxias, constelacións, exoplanetas e estrelas de reminiscencias rosalianas… A ciencia inspira a curiosidade e a literatura de Estibaliz que é beleza reflectida na materia escura que debemos descubrir e alentar. A música encadea este revelador Ler conta Moito cunha voz fascinante, inmensa, cósmica como dixo unha espectadora atenta. Foi un pracer asistirmos a esta divulgación literaria tan necesaria e fermosa.
A tarde do xoves visitaron a nosa biblioteca Ciencia divertida para realizar o obradoiro 20.000 leguas de lectura divertida.
A través dunha viaxe polos libros de Julio Verne, propuxeron diversos experimentos relacionados cos libros que van nomeando: Viaje al centro de la Tierra, De la Tierra a la Luna, 20.000 leguas de viaje submarino…
As nenas e nenos gozaron da experiencia de ver como realizaban os experimentos e incluso axudar nalgún deles.
Andrea Jamardo Seijo, de Cuarto de inverno, trouxonos hoxe unha actividade de animación á lectura: Da árbore ó libro, contando e axudada de proxeccións como se fai un libro dende a árbore ata que está nas nosas mans. Ós alumnos e alumnas de terceiro de educación primaria do CPI de Pontecesures tamén lles quedou moi clariño como se chaman as partes dun libro, o traballo dos e das autores/as, as correccións, as ilustracións, o deseño gráfico e todo o traballo que ten o libro antes de chegar á imprenta. Logo o traballo continúa coa distribución e venta.
E despois de todo esto houbo un obradoiro donde todos e todas fixemos o noso propio libro.
Este luns 26 de setembro na biblioteca Mª José Ruso de Dorneda puidemos despertar a nosa curiosidade científica cun entretido obradoiro de ciencia impartido polas monitoras de Héroes para la Ciencia. Péndulo de Newton, bóla de plasma, caleidoscopios, paxaros en equilibrio e ata fluído non newtoniano de cor!!. Unha tarde na biblioteca na que as nenas e os nenos puideron aprender xogando que a ciencia tamén é divertida.
O venres 23 de setembro visitou a nosa biblioteca o mago David Méndez, quen, durante case unha hora, acaparou a atención de todas e todos os asistentes cos seus trucos de maxia e explicacións sobre ilusións ópticas. Cousas que parece que están, pero realmente non son o que parecen, partes do corpo que se multiplican ou desaparecen, obxectos diferentes que visualizamos nunha única ilustración…Nenas e nenos aprenderon que non todo é sempre o que parece.
Foi unha sesión moi interesante e, sobre todo, moi entretida.
O martes, 20 de setembro, tivo lugar na biblioteca de Oleiros o obradoiro “Robótica educativa. Creatividade inspiradora”.
As nenas e nenos que participaron nesta actividade crearon, con pezas de lego, diferentes obxectos que programaron para que executaran diferentes accións como por exemplo un caracol que se ilumina e canta ou un robot espía que nos avisa cando unha persoa entra na biblioteca.
Pasamos unha tarde verdadeiramente divertida e sobre todo aprendimos moito sobre que é un robot, cómo funciona e para que sirve.
Séguenos