A "Ciencia de Harry Potter" trouxo moita maxia á Biblioteca de Dodro. Unha proposta moi recomendable para todos os públicos que convirte a lectura e a ciencia nun xogo ou descuberta chea de aprendizaxes.
O venres ás 17:00 tivemos una actividade de escape room baseada en Alicia no país das marabillas. Marabillosa ambientación e moita tecnoloxía para resolver os enigmas plantaxados.
O venres estivo connosco o gran Mago Pedro Bugarin. Pura maxia e risas a esgalla! Bravoo.
Grazas a “Caxoto”, en Láncara puidemos viaxar a través do tempo e dos contos até atopar a primeira narración feminista da historia da literatura, nos tempos do Rei Arturo. Foi difícil xa que as narracións orais, feitas na súa maioría por mulleres, foron transcritas por homes.
Contáronos e contamos contos, e ata aprendemos antigas técnicas de defensa femininas no baile por se damos con algún cotifeiro… Foi un contacontos moi ameno, no cal destacaron a muller e o feminismo.
O pasado sábado 21 de setembro case quince rapaces e rapazas deron renda solta a súa imaxinación grazas ao espertar do seu lado poético que veu da man de Cristina Quiroga. Unha actividade moi interesante que deu como resultados preciosos 
video poemas cargados de mensaxes tolerantes.
O venres 20 de setembro os rapaces e rapazas inscritos no obradoiro Búscanse valentes. Inspiración poética crearon verdadeiras xoias artísticas combinando imaxes e pequenos poemas nos que apreciamos reflexións ben interesantes.
Por medio dun entretido e divertido formato de concurso televisivo interactivo, o pasado sábado, adolescentes de Moeche tiveron ocasión de identificar comportamentos que conducen á violencia machista en elementos cos que se relacionan diariamente, como son: a música, a publicidade, as redes sociais…
A voz de Iria Mejuto e a guitarra de Richie Rozas fixeron emocionarnos en Láncara grazas á coidada selección de cancións e autoras, e a súa interpretación no concerto “Voces de muller”.
Os feitos máis destacados das biografías das cantantes compoñían un relato introdutorio a cada tema, onde se reflectían as dificultadas da muller no mundo cotiá e no mundo da música. E despois, as cancións que xa formaban parte da nosa vida, pero que puidemos gozar en vivo, e das que agora xa coñecemos á muller e a historia detrás delas.
Unha sesión musical para entender e valorar como influíron as mulleres non só na música, senón tamén nas humanidades e no feminismo. Un espectáculo inesquecible.
Carballo con Botas visitou a Biblioteca Pública Municipal de A Fonsagrada coa súa Fábrica dos corazóns de papel reciclado. Grazas a ela convertemos malas novas sobre a violencia de xénero en corazóns de loita e esperanza.
As persoíñas e persoas participantes uníronse con el nun berro de ilusión pola igualdade de xéneros e contra a violencia machista!
Maxia de catro a catro” é un espectáculo do Mago Pedro Bugarín totalmente renovado e que se caracteriza por ser emocionante, versátil e sempre en clave de humor. Reúne maxia tradicional con xogos 3.0, ilusionando co máis mistico da literatura clásica e o máis moderno das tecnoloxías, un espectáculo ameno e entretido de carácter familiar con máis de 125 persoas de catro a noventa anos. Trucos e xogos con todo tipo de público para favorecer o caracter da igualdade que posúe a convocatoria.
Séguenos