Testimonios e relatos da represión nos anos da Guerra Civil e posteriores. A importancia da historia local e familiar como identidade, así como a necesidade de comunicación entre as distintas xeracións para non esquecer estes feitos. O respecto como ferramenta social imprescindible.
Pedro Brandariz chega a Xermade con esta actividade que nos describe os novos modelos familiares, sempre dende unha visión cómica e contando co apoio de libros como “Con Tango son tres” ou “O libro dos porcos”.
O pasado venres día 6 de Agosto tivemos o pracer de ter connosco a Raquel Queizás realizando a contada “Dámoslle volta ao conto: Contos pola igualdade”, ao carón da Biblioteca de Verín, na rúa Irmáns La Salle. Máis de 50 asistentes asistiron atentos á contada.
Os Venres de Conto, son un Conxunto de actividades enmarcadas dentro do Programa LER CONTA MOITO da Xunta de Galicia e organizado pola Biblioteca Municipal do Concello de Verín.
Con Raquel Queizas, e da man dunha píntega, embarcamonos nunha viaxe chea de aventuras con dragóns e avoas piratas para que a lúa non deixe de ser redonda.
Píntega
Cova do Dragón
Dragón
Barco pirata capitaneado por mulleres
Cativos. cativas e maiores descubrimos en O Irixo. entre risas e malabarismos a verdadeira historia de Hamelín da man de Meré clown.
A Actividade realizaouse nun patio cuberto o carón da biblioteca municipal, debido o aforo e a que a tarde non acompañou climatolóxicamente.
Inspirados polo canto da buguina, bebés e nenos pequenos de Moeche, xunto con pais e nais, viaxaron polo mar visitando as illas onde viven caracois, galiñas poñedoras e vacas…, regando a herba e cantando cancións de mares e mareas.
Pakolas visitou Irixoa co seu espectáculo “Rokeamos todas con Pakolas”. De xeito divertido, e coma sempre a ritmo moi rockeiro, as nenas e nenos aprenderOn da importancia de medrar e vivir en igualdade, a través das protagonistas das cancións e contos de ELAS: nenas, mulleres, figuras femininas inspiradoras que nos dan a coñecer diferentes historias de superación da desigualdade, de loita polo respecto e a liberdade.
Onte os rapaces e rapazas das Pontes riron de boa gana co espectáculo de Moc Moc, A verdadeira historia de Hamelin. Ademais da narración oral do conto tradicional, versionado por Moc Moc, tivemos oacasión de asistir aos seus números de malabares e clown, que foron do máis divertido e que entretiveron a grandes e pequenos. Un pracer contar con actividades deste nivel.
María achegounos a Guatemala a través dos 5 sentidos. Explicounos onde está, a que ule, a que sabe, as roupas e costumes das súas xentes… Todas as nenas e nenos recibiron como agasallo un exemplar da colección Contos do Mundo para seguir traballando a interculturalidade.
Que ben o pasamos e canto aprendimos!!!!
O carismático artista Xoan Curiel amosounos o venres 16 de xullo en Parada de Sil qué doado e divertido é montar unha Banda de Verán chea de música e divertimento.
Paso a paso fomos aprendendo cada instrumento e cada estilo musical. Toda a rapazada da Axencia de Lectura de Parada de Sil descobrimos estilos musicais coma o rock, o pop, o rap, o reggae, a xota, a muiñeira, a rumba…
A través do seu conto fomos participando nun concerto onde todos nos activamos cantando, palmeando, taconeando e disfrutamos a tope.
Grazas Xoan por darnos marcha nunha tarde tan calurosa deste verán 2021!
Séguenos